امریکہ اور چین میں ٹک ٹاک ڈیل کا فریم ورک طے، دونوں ممالک کے صدور معاہدے کو حتمی شکل دیں گے

امریکہ اور چین میں ٹک ٹاک ڈیل کا فریم ورک

واشنگٹن (ڈیلی پاکستان آن لائن) امریکہ اور چین میں ٹک ٹاک ڈیل کا فریم ورک طے کر لیا گیا ہے۔ امریکی اور چینی صدور جنوبی کوریا میں اس معاہدے کو حتمی شکل دیں گے۔ امریکی وزیر خزانہ سکاٹ بیسنٹ کا کہنا ہے کہ دونوں ملکوں کے درمیان ٹک ٹاک سے متعلق معاملات طے پا گئے ہیں۔

یہ بھی پڑھیں: قومی ٹیم کی سلیکشن میں میرا کوئی کردار نہیں، کسی بھی کرکٹر کی پرفارمنس ایسی نہیں تھی کے اسے اے کیٹیگری میں رکھا جاتا، محسن نقوی

تجارتی معاہدے کی راہ ہموار

دنیا کی دو بڑی معیشتوں کے درمیان تجارتی معاہدے کا امکان روشن ہوا ہے۔ سکاٹ بیسنٹ نے کہا کہ چین امریکہ کے ساتھ تجارتی معاہدے کے لیے تیار ہے۔ مزید بات چیت چین پر 100 فیصد ٹیرف کے حوالے سے ہوگی۔ حتمی فیصلہ صدر ٹرمپ اور صدر شی جن پنگ کریں گے۔

یہ بھی پڑھیں: پاکستان اور افغانستان کے درمیان جنگ بندی پر قطر کا بیان بھی سامنے آ گیا

چین کے برآمدی لائسنس نظام میں تبدیلی

وزیر خزانہ سکاٹ بیسنٹ نے یہ بھی بتایا کہ چین نے نایاب معدنیات کے برآمدی لائسنس کا نیا نظام مؤخر کر دیا ہے۔ توقع کی جا رہی ہے کہ چین دوبارہ بڑی مقدار میں امریکی سویابین خریدے گا۔ اگر امریکہ اور چین میں تجارتی معاہدہ ہوا تو امریکی سویابین کاشتکار خوش ہوں گے، کیونکہ ہم نے یقین دہانی کرائی ہے کہ چین پر نیا ٹیرف نہیں لگایا جائے گا۔

چینی نائب وزیراعظم کا مطالبہ

دوسری جانب چینی نائب وزیراعظم نے متفقہ روڈ میپ پر عمل درآمد کرنے کا مطالبہ کیا۔ انہوں نے کہا کہ بات چیت اور مشاورت آگے بڑھنے کا صحیح راستہ ہیں اور دونوں ملکوں کو ایک دوسرے کے خدشات دور کرنے کی کوشش کرنی چاہیے۔