لاہور ہائی کورٹ: اقلیتوں سے کوٹے پر ججز تقرری کی درخواست مسترد

چیف جسٹس لاہور ہائی کورٹ کا فیصلہ

لاہور(ڈیلی پاکستان آن لائن) چیف جسٹس لاہور ہائی کورٹ عالیہ نیلم نے اقلیتی کمیونٹی سے ججز لینے کے لیے پانچ فیصد کوٹے کی درخواست مسترد کرتے ہوئے قرار دیا کہ ججوں کی تقرری میں میرٹ سب کے لیے برابر ہے۔

یہ بھی پڑھیں: پاکستان میں تفتان سے گاڑی ہندوستان کے سرحدی قصبے اٹاری تک آتی تھی وہاں سے اْسکو آگے بیناپول تک انڈین ریلوے کا انجن لیکر جاتا تھا

درخواست کا پس منظر

نجی ٹی وی چینل دنیا نیوز کے مطابق چیف جسٹس لاہور ہائیکورٹ جسٹس عالیہ نیلم نے نصیب مسیح کی درخواست پر 2 صفحات پر مشتمل تحریری فیصلہ جاری کر دیا اور قرار دیا کہ آئین کے آرٹیکل 175 اے کے تحت جوڈیشل کمیشن تقرری کا مجاز ادارہ ہے، عدلیہ میں ججز بھرتی کے لیے کوٹہ مقرر کرنا میرٹ پر سمجھوتہ ہوگا۔

یہ بھی پڑھیں: سپریم کورٹ؛ پی ٹی آئی سینیٹر اعجاز چودھری کی ضمانت منظور

درخواست گزار کا مؤقف

تحریری فیصلے میں کہا گیا کہ درخواست گزار کے وکیل کی جانب سے مؤقف اختیار کیا گیا کہ حکومت نے 2009 میں اقلیتوں کیلئے سرکاری محکموں میں پانچ فیصد کوٹہ مختص کیا تھا، تاہم اس پالیسی کے باوجود اعلیٰ عدالتوں میں اقلیتی برادری سے کسی جج کی تعیناتی نہیں کی گئی۔

درخواست گزار کے مطابق آئین پاکستان کے آرٹیکل 27 اور آرٹیکل 36 پر تاحال عملدرآمد نہیں ہو رہا، استدعا ہے کہ عدالت حکومت کو اقلیتوں کیلئے علیحدہ میرٹ مقرر کرنے اور اُن میں سے ججز تعینات کرنے کا حکم دے۔

یہ بھی پڑھیں: نیشنز ہاکی کپ ملائیشیا کے لیے 20 رکنی قومی اسکواڈ کا اعلان

فیصلے کی تفصیلات

چیف جسٹس عالیہ نیلم نے فیصلے میں لکھا کہ عدلیہ میں ججز کی تقرری کا طریقہ کار آئین میں واضح ہے، عدلیہ کی ملازمت کوئی روایتی ملازمت نہیں، یہ دیگر ملازمتوں سے مختلف ہے، دیگر سروسز کے ملازمین کو آئینی اور عملی طور پر عدلیہ کے ملازمین کے مساوی نہیں سمجھا جا سکتا۔

مجموعی نتیجہ

فیصلے کے مطابق درخواست گزار نے ججز کے کوٹے کے لیے سپریم کورٹ کے کیس کا حوالہ دیا، چیف جسٹس نے کہا کہ ججوں کی تقرری میں میرٹ سب کے لیے برابر ہے، آئین کے آرٹیکل 175 اے کے تحت جوڈیشل کمیشن تقرری کا مجاز ادارہ ہے، عدلیہ میں ججز بھرتی کے لیے کوٹہ مقرر کرنا میرٹ پر سمجھوتہ ہوگا。