دیہی خواتین کو بااختیار بنانے کے پروگرام میں ڈیجیٹل کے دوسرے اور تیسرے مرحلے کا آغاز کردیا گیا

پروگرام "میں ڈیجیٹل" کا آغاز

لاہور (ڈیلی پاکستان آن لائن) وزیر اعلیٰ پنجاب کے ہنر مند نوجوان ویژن کے تحت دیہی خواتین کو ٹیکنالوجی کے ذریعے بااختیار بنانے کے پروگرام "میں ڈیجیٹل" کے دوسرے اور تیسرے مرحلے کا آغاز کردیا گیا۔

یہ بھی پڑھیں: آٹے کی قیمتوں میں اضافہ،گندم مہنگی ہونے پرپسائی روک دی ، سستا آٹا فروخت نہیں کر سکتے: فلارز ملز

تقریب کی تفصیلات

اس سلسلے میں پنجاب سکلز ڈویلپمنٹ فنڈ کے زیر اہتمام مقامی ہوٹل میں خواتین کو ڈیسک ٹاپ کمپیوٹرز تقسیم کرنے کی تقریب منعقد ہوئی۔ چیئرپرسن وزیر اعلیٰ ٹاسک فورس برائے سکلز ڈویلپمنٹ عدنان افضل چٹھہ تقریب کے مہمان خصوصی تھے۔ تقریب میں شیخوپورہ، قصور، گجرات، سیالکوٹ، ننکانہ صاحب اور نارووال کی 77 خواتین کو ڈیسک ٹاپ کمپیوٹرز فراہم کیے گئے۔

یہ بھی پڑھیں: بگ بیش لیگ میں انتہائی سست بیٹنگ کرنے پر محمد رضوان کو زبردستی ریٹائر کر کے باہر بلا لیا گیا

ڈیسک ٹاپ کی تقسیم اور تربیت

چیئرپرسن اور دیگر مہمانوں نے ڈیسک ٹاپ تقسیم کئے۔ منتخب خواتین کا انتخاب میرٹ کی بنیاد پر کیا گیا۔ ان خواتین کو ڈیجیٹل مارکیٹنگ، انگلش لینگویج سکلز، ای کامرس، بیسک آئی ٹی سکلز اور کانٹینٹ بنانے کی 6 ماہ کی تربیت فراہم کی جائے گی۔

یہ بھی پڑھیں: پی ایف ایف صدر اور امریکی سفیر کی اہم ملاقات؛ پاکستان کا فیفا ورلڈ کپ 2026 کے لیے امریکہ کی بھرپور حمایت کا اعلان

وزیر اعلیٰ کے ویژن کی اہمیت

چیئرپرسن وزیر اعلیٰ ٹاسک فورس برائے سکلز ڈویلپمنٹ عدنان افضل چٹھہ نے تقریب کے شرکاء سے اپنے خطاب میں کہا کہ وزیر اعلیٰ پنجاب نے ریاست کے وسائل دیہی خواتین کو بااختیار بنانے کی جانب موڑ دیئے ہیں۔ منتخب خواتین کا فرض ہے کہ وہ ان وسائل سے بھرپور استفادہ کریں۔

یہ بھی پڑھیں: انسداد دہشتگردی عدالت سے سزائیں؛الیکشن کمیشن نے 2ارکان اسمبلی کو نااہل قرار دیدیا

نوجوانوں کی ترقی

انہوں نے مزید کہا کہ نوجوان پاکستان کا مستقبل اور ہمارا قیمتی سرمایہ ہیں۔ نوجوان کامیاب ہوں گے تو ملک کامیاب ہوگا اور ترقی کرے گا۔ نوجوانوں کو جدید علوم سے آراستہ کرنا اور فروغ تعلیم وزیر اعلیٰ پنجاب کی پہلی ترجیح ہے۔ حکومت نے فروغ تعلیم کیلئے رواں مالی سال کے بجٹ میں 860 ارب رکھے ہیں۔

یہ بھی پڑھیں: شریف فیملی کے خلاف منی لانڈرنگ کیس: شہزاد اکبر کی درخواست عدم پیروی کی بنیاد پر خارج

پروگرام کی کامیابی

چیئرپرسن نے کہا کہ میں ڈیجیٹل پروگرام وزیر اعلیٰ پنجاب کے ویژن کو عملی شکل دینے کا اقدام ہے۔ یہ پروگرام خواتین کو گراس روٹ لیول پر بااختیار بنانے کا شاندار اقدام ہے۔

سی ای او پنجاب سکلز ڈویلپمنٹ فنڈ احمد خان نے کہا کہ میں ڈیجیٹل پروگرام کے پہلے مرحلے کی کامیابی کے بعد دوسرے اور تیسرے مرحلے کا شاندار آغاز ہو گیا ہے۔