دیہی خواتین کو بااختیار بنانے کے پروگرام میں ڈیجیٹل کے دوسرے اور تیسرے مرحلے کا آغاز کردیا گیا

پروگرام "میں ڈیجیٹل" کا آغاز

لاہور (ڈیلی پاکستان آن لائن) وزیر اعلیٰ پنجاب کے ہنر مند نوجوان ویژن کے تحت دیہی خواتین کو ٹیکنالوجی کے ذریعے بااختیار بنانے کے پروگرام "میں ڈیجیٹل" کے دوسرے اور تیسرے مرحلے کا آغاز کردیا گیا۔

یہ بھی پڑھیں: سری لنکا میں سمندری طوفان نے تباہی مچادی، لاکھوں افراد بے گھر

تقریب کی تفصیلات

اس سلسلے میں پنجاب سکلز ڈویلپمنٹ فنڈ کے زیر اہتمام مقامی ہوٹل میں خواتین کو ڈیسک ٹاپ کمپیوٹرز تقسیم کرنے کی تقریب منعقد ہوئی۔ چیئرپرسن وزیر اعلیٰ ٹاسک فورس برائے سکلز ڈویلپمنٹ عدنان افضل چٹھہ تقریب کے مہمان خصوصی تھے۔ تقریب میں شیخوپورہ، قصور، گجرات، سیالکوٹ، ننکانہ صاحب اور نارووال کی 77 خواتین کو ڈیسک ٹاپ کمپیوٹرز فراہم کیے گئے۔

یہ بھی پڑھیں: ٹرمپ کی پہلی ترجیح غزہ جنگ نہیں یوکرین جنگ کا خاتمہ ہوگا،ملیحہ لودھی

ڈیسک ٹاپ کی تقسیم اور تربیت

چیئرپرسن اور دیگر مہمانوں نے ڈیسک ٹاپ تقسیم کئے۔ منتخب خواتین کا انتخاب میرٹ کی بنیاد پر کیا گیا۔ ان خواتین کو ڈیجیٹل مارکیٹنگ، انگلش لینگویج سکلز، ای کامرس، بیسک آئی ٹی سکلز اور کانٹینٹ بنانے کی 6 ماہ کی تربیت فراہم کی جائے گی۔

یہ بھی پڑھیں: ملکی سیاسی صورتحال، وزیراعظم شہبازشریف نے بیرون ملک جانے کا پروگرام ملتوی کردیا

وزیر اعلیٰ کے ویژن کی اہمیت

چیئرپرسن وزیر اعلیٰ ٹاسک فورس برائے سکلز ڈویلپمنٹ عدنان افضل چٹھہ نے تقریب کے شرکاء سے اپنے خطاب میں کہا کہ وزیر اعلیٰ پنجاب نے ریاست کے وسائل دیہی خواتین کو بااختیار بنانے کی جانب موڑ دیئے ہیں۔ منتخب خواتین کا فرض ہے کہ وہ ان وسائل سے بھرپور استفادہ کریں۔

یہ بھی پڑھیں: ایرانی سرحد غیر قانونی طور پر پار کرنے کی کوشش میں 6 افغان ہلاک، متعدد زخمی

نوجوانوں کی ترقی

انہوں نے مزید کہا کہ نوجوان پاکستان کا مستقبل اور ہمارا قیمتی سرمایہ ہیں۔ نوجوان کامیاب ہوں گے تو ملک کامیاب ہوگا اور ترقی کرے گا۔ نوجوانوں کو جدید علوم سے آراستہ کرنا اور فروغ تعلیم وزیر اعلیٰ پنجاب کی پہلی ترجیح ہے۔ حکومت نے فروغ تعلیم کیلئے رواں مالی سال کے بجٹ میں 860 ارب رکھے ہیں۔

یہ بھی پڑھیں: گرمی بڑھ گئی تھی، میں نے سینڈوچ نکالا اور ایک چھوٹے سے فرعون کے پیچھے چھپ کر کھا لیا، کچھ سکون ملا تو دوبارہ بڑے فرعون کے سامنے جا کھڑا ہوا.

پروگرام کی کامیابی

چیئرپرسن نے کہا کہ میں ڈیجیٹل پروگرام وزیر اعلیٰ پنجاب کے ویژن کو عملی شکل دینے کا اقدام ہے۔ یہ پروگرام خواتین کو گراس روٹ لیول پر بااختیار بنانے کا شاندار اقدام ہے۔

سی ای او پنجاب سکلز ڈویلپمنٹ فنڈ احمد خان نے کہا کہ میں ڈیجیٹل پروگرام کے پہلے مرحلے کی کامیابی کے بعد دوسرے اور تیسرے مرحلے کا شاندار آغاز ہو گیا ہے۔