عالمی رہنماؤں کو ماحولیاتی تبدیلی سے متعلق اپنی حکمتِ عملی میں تبدیلی لانے کی ضرورت ہے، بل گیٹس

بل گیٹس کی ماحولیاتی تبدیلی پر مشورے

نیویارک(ڈیلی پاکستان آن لائن) مائیکروسافٹ کے شریک بانی بل گیٹس کا کہنا ہے کہ عالمی رہنماؤں کو ماحولیاتی تبدیلی (Climate Change) سے متعلق اپنی حکمتِ عملی میں تبدیلی لانے کی ضرورت ہے۔

یہ بھی پڑھیں: امریکہ سے سیلاب متاثرین کے لیے امدادی سامان پاکستان پہنچ گیا

انسانی فلاح و بہبود کا تناظر

سی این بی سی کو انٹرویو میں انہوں نے کہا کہ ماحولیاتی تبدیلی یقیناً بہت اہم ہے، لیکن اسے مجموعی انسانی فلاح و بہبود کے تناظر میں دیکھنا چاہیے۔ دنیا کو اب محض کاربن کے اخراج یا درجہ حرارت کے اعداد و شمار پر نہیں، بلکہ ان اقدامات پر توجہ دینی چاہیے جو غربت کے خاتمے، بیماریوں سے بچاؤ اور انسانی زندگی کے معیار میں بہتری لائیں۔ اگر انسانی ترقی اور فلاح کو مرکزی حیثیت دی جائے تو موسمیاتی اہداف بھی زیادہ پائیدار اور مؤثر انداز میں حاصل کیے جا سکتے ہیں۔

توازن اور عملی نقطۂ نظر کی ضرورت

بل گیٹس نے کہا کہ دنیا کو ماحولیاتی تبدیلی کے بارے میں ’’قیامت خیز‘‘ نظریے سے ہٹ کر ایک متوازن اور عملی نقطۂ نظر اپنانا ہوگا۔

Microsoft co-founder Bill Gates now says leaders need to shift their approach to climate change.

“Climate is super important but has to be considered in terms of overall human welfare,” Gates told CNBC. Here's what else he said: https://t.co/YyRzEGxPDk pic.twitter.com/DUzn61nWdW

— CNBC (@CNBC) October 28, 2025