مریم نواز کی امریکی سرمایہ کاروں کو پنجاب میں سرمایہ کاری کی دعوت

وزیراعلیٰ کی سرمایہ کاری کی دعوت

لاہور (ڈیلی پاکستان آن لائن) وزیراعلیٰ مریم نواز شریف نے امریکی سرمایہ کاروں کو پنجاب میں سرمایہ کاری کی دعوت دی ہے۔

یہ بھی پڑھیں: ایسٹر کی تقریبات، سندھ حکومت کا اتوار اور پیر کو تعطیلات کا اعلان

امریکی قونصل جنرل سے ملاقات

نجی ٹی وی چینل دنیا نیوز کے مطابق، وزیراعلیٰ پنجاب سے امریکی قونصل جنرل سٹیٹسن سینڈرس نے ملاقات کی۔ قونصل جنرل نے پرتپاک مہمان نوازی پر مریم نواز کا شکریہ ادا کیا اور انہیں امریکا کے نئے پولیٹیکل اینڈ اکنامک آفیسر کا تعارف کرایا۔ انہوں نے پاکستان اور امریکا کے تعلقات میں گرمجوشی کو سراہا۔

یہ بھی پڑھیں: پاکستان میں الیکٹرک گاڑیوں کی تعداد 76 ہزار سے تجاوز کر گئی

دو طرفہ تعلقات میں بہتری

اس موقع پر وزیراعلیٰ مریم نواز شریف نے امریکی سرمایہ کاروں کو پنجاب میں شاندار مواقع سے فائدہ اٹھانے کی دعوت دی۔ ان کا کہنا تھا کہ پاکستان اور امریکا کے دو طرفہ تعلقات میں بہتری خوش آئند ہے۔ وزیراعظم شہباز شریف کا حالیہ دورہ امریکا باہمی تعلقات میں مزید استحکام کا باعث ہوگا، دونوں ممالک کے موجودہ تعلقات افق کی نئی بلندیوں کو چھو رہے ہیں۔

یہ بھی پڑھیں: پاکستان کرکٹ بورڈ نے ڈائریکٹر انٹرنیشنل کرکٹ عثمان واہلہ کو برطرف کردیا

سیلاب متاثرین کے لئے اقدامات

وزیراعلیٰ نے کہا کہ پنجاب نے تاریخ کے بدترین سیلاب کا سامنا پامردی سے کیا، اور تاریخی ریسکیو اینڈ ریلیف آپریشن کے بعد بحالی کا کام شروع ہو چکا ہے۔ سیلاب متاثرین کے لئے حکومت پنجاب کے تاریخی پیکج کا کام شروع ہو چکا ہے۔

یہ بھی پڑھیں: ترکی بحری جہاز خیر سگالی دورے پر کراچی پہنچ گیا

ثقافتی سیاحت کا فروغ

مریم نواز کا کہنا تھا کہ پنجاب میں کلچرل ٹورازم کے فروغ کے لئے قدیمی ثقافتی ورثے کی بحالی اور بہتری کی جارہی ہے۔ پنجاب ثقافتی تنوع سے مالا مال سرزمین ہے، اور عالمی سطح پر ٹورازم کے حب بننے کا بھرپور پوٹینشل رکھتا ہے۔ سرزمین پنجاب ہزاروں سال پرانی تہذیب اور مذہبی ثقافت کا علمبردار ہے۔

یہ بھی پڑھیں: کیا ترک صدر اردوغان بشار الاسد کو ‘مجرم’ کہنے کے باوجود شام میں باغیوں کی حمایت کر رہے ہیں؟

محیطی بہتری اور خواتین کی بااختیاری

وزیراعلیٰ پنجاب نے کہا کہ حکومت پنجاب کے وویمن ایمپاورمنٹ پراجیکٹ ثمر آور ہو رہے ہیں۔ لاہور سمیت دیگر شہروں میں بروقت اقدامات اور ماحول دوست پراجیکٹ کی وجہ سے ایئر کوالٹی انڈیکس میں بہتری آ رہی ہے۔ حکومت پنجاب سرحد پار سے درآنے والی سموگ کے اثرات کو کم از کم سطح پر لانے کے لئے کوشاں ہے۔

امریکی قونصل جنرل کا بیان

امریکی قونصل جنرل نے کہا کہ وزیراعلیٰ پنجاب کا سرمایہ کاری اور تجارت کے فروغ کے ای بزنس پراجیکٹ قابل تحسین ہے۔ ای بزنس پراجیکٹ کی وجہ سے سرمایہ کاروں کے لئے آسانی پیدا ہو رہی ہے، اور پنجاب میں جس طرح اور جس رفتار سے کام ہو رہا ہے، اسے محسوس کیا جا رہا ہے۔