پارلیمنٹ کا بھی ایک جرگہ بنانا چاہیے، زورِ بازو پر ہر چیز حاصل نہیں ہوتی، بات چیت اور رابطے ضروری ہیں: فیصل کریم کنڈی

گورنر خیبر پختونخوا کا بیان

پشاور (ڈیلی پاکستان آن لائن) گورنر خیبر پختونخوا فیصل کریم کنڈی نے کہا ہے کہ پارلیمنٹ کا بھی ایک جرگہ بنانا چاہیے، زورِ بازو پر ہر چیز حاصل نہیں ہوتی، بات چیت اور رابطے ضروری ہیں۔ ہمارے پاس نمبر پورے ہیں، جلد آزاد کشمیر میں حکومت بنائیں گے۔

یہ بھی پڑھیں: لاہور میں والد کے دوست کی 9 سالہ بچی کے ساتھ زیادتی کی کوشش، ملزم گرفتار

سیاسی جماعتوں کے درمیان رابطہ

’’جیو نیوز‘‘ سے گفتگو میں انہوں نے کہا کہ وزیر اعلیٰ کو تمام سیاسی جماعتوں کو آن بورڈ لینا چاہیے، اپوزیشن سمیت مشترکہ جرگہ بنا کر وفاق کے پاس اپنے حقوق کے لیے جانا چاہیے، پارلیمنٹ کا بھی ایک جرگہ بنانا چاہیے، جیسے ہم نے خیبر کا جرگہ منعقد کیا تھا، زورِ بازو پر ہر چیز حاصل نہیں ہوتی، بات چیت اور رابطے ضروری ہوتے ہیں۔

یہ بھی پڑھیں: ڈونلڈ ٹرمپ کی تقریب حلف برداری، ایمازون اور میٹا نے ایک ایک ملین ڈالر دینے کا اعلان کردیا

صوبائی کابینہ کی تشکیل

صوبائی کابینہ بن جائے گی، یہ اتنا بڑا مسئلہ نہیں ہے، بڑوں کی مشاورت سے ملاقات تک ایک چھوٹی کابینہ تشکیل دینی چاہیے۔ وزیراعلیٰ صاحب نے اور کیا کرنا ہے، وہ بانی پی ٹی آئی کی منتیں کریں گے؟ کابینہ نہ ہونے کے باعث کئی اہم فیصلے اور فائلیں رکی ہوئی ہیں، صوبے کا سب سے بڑا مسئلہ اس وقت امن و امان کا ہے، کیونکہ افغانستان کے ساتھ تعلقات اور داخلی سلامتی دونوں اہم معاملات ہیں۔

این ایف سی ایوارڈ اور وفاقی تعلقات

گورنر خیبر پختونخوا فیصل کریم کنڈی نے مزید کہا کہ اگر کل این ایف سی ایوارڈ کا معاملہ آتا ہے تو کابینہ کی موجودگی ضروری ہوگی۔ وزیراعلیٰ کو وزیراعظم کی حالیہ میٹنگ میں شرکت کرنی چاہیے تھی، وہاں جا کر اپنا احتجاج اور مؤقف ریکارڈ کرانا چاہیے تھا۔ وزیراعلیٰ نے سابق مشیر خزانہ مزمل اسلم کو بھیجا، مگر وہ سرکاری حیثیت میں نہیں جا سکتے تھے، وزیراعلیٰ کو خود جا کر اپنا تحریری جواب جمع کروانا چاہیے تھا، کیونکہ ایسے فورمز کو خالی نہیں چھوڑنا چاہیے، جہاں سے صوبے کے لیے کچھ حاصل کیا جا سکتا ہے۔