شوہر کو دوسری شادی سے روکنے پر پہلی بیوی پر تشدد، حنا پرویز بٹ نے ملزمان کی فوری گرفتاری کا حکم دیدیا

چیئرپرسن کی متاثرہ خاتون کے گھر کا دورہ

لاہور (ڈیلی پاکستان آن لائن ) چیئرپرسن پنجاب ویمن پروٹیکشن اتھارٹی حنا پرویز بٹ نے وزیراعلیٰ پنجاب مریم نواز کی ہدایت پر لاہور کے علاقے مصطفیٰ آباد میں پیش آنے والے افسوسناک واقعے کے بعد متاثرہ خاتون رقیہ امجد کے گھر کا دورہ کیا۔

یہ بھی پڑھیں: لاہور کے گریٹر اقبال پارک سے 10 سالہ معذور بچے کے اغوا کی کوشش ناکام، ملزمہ گرفتار

واقعے کی تفصیلات

واقعہ اس وقت پیش آیا جب ایک خاتون ماہم نے اپنے مرد ساتھیوں کے ہمراہ گھر میں زبردستی داخل ہو کر متاثرہ خاتون کو تشدد کا نشانہ بنایا۔ ماہم مبینہ طور پر متاثرہ خاتون کے شوہر سے نکاح کرنا چاہتی تھی اور دوسری شادی سے روکنے پر اس نے پہلی بیوی پر تشدد کیا۔

یہ بھی پڑھیں: برطانیہ کے اولمپک کھلاڑی نے اخراجات پورے کرنے کے لیے فحش ویب سائٹ پر مواد ڈالنا شروع کردیا، ہنگامہ برپا ہوگیا

حکومتی کارروائیاں

حنا پرویز بٹ نے متاثرہ خاتون اور ان کی والدہ سے ملاقات کی اور انہیں حکومت پنجاب کی جانب سے مکمل قانونی، نفسیاتی اور طبی معاونت کی یقین دہانی کرائی۔ چیئرپرسن نے پولیس حکام کو ہدایت دی کہ تمام نامزد ملزمان کو فوری گرفتار کیا جائے اور تفتیش شفاف انداز میں مکمل کر کے انصاف کو یقینی بنایا جائے۔

یہ بھی پڑھیں: ایشیا کپ 2025 کا ممکنہ شیڈول سامنے آگیا

واقعے کی مذمت

انہوں نے واقعے کی مذمت کرتے ہوئے کہا کہ کسی خاتون کے گھر میں گھس کر اس پر تشدد کرنا انتہائی قابلِ مذمت ہے۔ ایسے عناصر کو قانون کے مطابق سخت سزا دی جائے گی۔ خواتین کے تحفظ پر کوئی سمجھوتہ نہیں کیا جائے گا۔

ویژن برائے محفوظ پنجاب

حنا پرویز بٹ نے مزید کہا کہ وزیراعلیٰ پنجاب مریم نواز کا وژن ’’خواتین کے لیے محفوظ پنجاب‘‘ ہے، اور پنجاب ویمن پروٹیکشن اتھارٹی اس وژن کے تحت خواتین کو مکمل تحفظ، انصاف اور بااختیار بنانے کے لیے سرگرمِ عمل ہے۔