انقلابی چی گویرا کارکنان کو چھوڑ کر اچانک غائب: عظمیٰ بخاری

عظمیٰ بخاری کا بیان

لاہور (ڈیلی پاکستان آن لائن) صوبائی وزیر اطلاعات و رہنما مسلم لیگ ن عظمیٰ بخاری نے کہا ہے کہ احتجاج کے دوران انقلابیوں کا چی گویرا کارکنان کو چھوڑ کر اچانک غائب ہو گیا۔

یہ بھی پڑھیں: کوہاٹ: جنازے کے دوران فائرنگ سے خاتون سمیت 2 افراد جاں بحق

پی ٹی آئی کی دعوے

لاہور میں پریس کانفرنس کرتے ہوئے لیگی رہنما عظمیٰ بخاری کا کہنا تھا کہ پی ٹی آئی نے علی امین گنڈا پور کی گمشدگی کا ڈرامہ رچایا، انقلابیوں کا چی گویرا کہہ رہا تھا ہم آرہے ہیں پھر وہ اچانک غائب ہوگیا۔ خیبرپختونخوا کے لوگ ڈھونڈ رہے تھے کہ ہمارا چی گویرا کہاں گیا، وہ چی گویرا پھر اچانک خیبرپختونخوا اسمبلی میں نمودار ہوا۔

یہ بھی پڑھیں: صدر ٹرمپ نے ثابت کردیا کہ وہ امن کے پیامبر ہیں، وزیر اعظم شہباز شریف

علی امین گنڈا پور کی دھمکیاں

انہوں نے کہا کہ علی امین گنڈاپور اسمبلی میں کھڑے ہوکر آئی جی اسلام آباد کو دھمکیاں دے رہے تھے، اتنی ہمت تھی تو سڑک پر کھڑے ہوکر آئی جی اسلام آباد کا سامنا کرتے، پتا نہیں کونسی دوائیاں کھا کر یہ ایسی حرکتیں کرتے ہیں۔

یہ بھی پڑھیں: بھارت اور بنگلہ دیش نے ایک دوسرے پر تجارتی پابندیاں عائد کر دیں

ملک میں آگ لگانے کی منصوبہ بندی

عظمیٰ بخاری کا کہنا تھا کہ گزشتہ ایک ہفتے سے ملک میں آگ لگانے کی تیاری ہورہی تھی، ملک میں جلاؤ گھیراؤ کی ساری پلاننگ اڈیالہ جیل سے ہوتی ہے۔ کیا اڈیالہ سے کبھی خیر کی خبر آئی ہے؟ ایک شخص ہی پوری پارٹی کے فیصلے کرتا ہے۔

یہ بھی پڑھیں: شیخوپورہ کے نزدیک کارحادثہ، تلاشی لینے پر ڈگی سے ایک شخص برآمد، یہ دراصل کون تھا؟ موٹروے پولیس کا بیان آگیا۔

پنجاب میں ترقیاتی منصوبے

صوبائی وزیر نے کہا کہ پنجاب میں تین چار بڑے بڑے کام ہورہے تھے، پنجاب میں اپنی چھت اپنا گھر سکیم شروع کی گئی، پنجاب کے 65 ہزار سپیشل افراد کو ہمت کارڈ دیئے گئے، 7 ماہ کے اندر وزیراعلیٰ مریم نواز کے درجنوں پروگرام مکمل ہوچکے ہیں، دوسری طرف فساد اور فتنہ پلان ہورہا تھا۔

یہ بھی پڑھیں: آغا خان کو مصریوں سے بڑا لگاؤ تھا، انہوں نے اسوان میں فلاح و بہبود کے کئی منصوبے مکمل کئے، وہ یہاں بڑی عزت اور احترام سے دیکھے جاتے ہیں

خیبرپختونخوا کی صورتحال

لیگی رہنما کا کہنا تھا کہ پنجاب کی اورنج لائن سب نے دیکھی ہے، کے پی میں گرین لائن ڈرموں اور ڈولیوں کے اندر چلانی پڑتی ہے۔ گزشتہ 12 سال سے خیبرپختونخوا کے وسائل وفاق پر چڑھائی کیلئے استعمال ہورہے ہیں۔

یہ بھی پڑھیں: پنجاب اسمبلی میں اپوزیشن کی بانی پی ٹی آئی کی تصاویر لے کر نعرے بازی، کسانوں کو ریلیف دینے کا مطالبہ، وزراء کی غیر حاضری پر کڑی تنقید

پی ٹی آئی قیادت کی تنقید

انہوں نے پی ٹی آئی قیادت پر تنقید کرتے ہوئے کہا کہ نام نہاد احتجاج کے دوران ان کی پوری لیڈر شپ ورک فرام ہوم کررہی تھی، سلمان اکرم راجہ کا ٹویٹ دیکھا، انہوں نے کہا یہ پلاننگ ہوتی ہے، یہ بے وقوفی ہے کہ ڈی چوک جائیں۔

یہ بھی پڑھیں: وزیراعظم شہباز شریف سعودی عرب پہنچ گئے

افغان باشندوں کی تربیت

ان کا کہنا تھا کہ خیبرپختونخوا کے بچوں کو افغان باشندوں کے ساتھ ٹریننگ دلوا کر لایا گیا، جن بچوں کو آپ یہاں لائے انہوں نے دیکھا کہ ان کو مرنے کیلئے اکیلا چھوڑ دیا گیا ہے۔

یہ بھی پڑھیں: اسلام آباد: شاہراہ دستور پر گاڑی کی سکوٹی کو ٹکر، 2 خواتین جاں بحق

تشدد کا ذکر

عظمیٰ بخاری نے کہا کہ علی امین گنڈاپور کا جو کام تھا وہ انہوں نے کردیا، کل ان سے اسلحہ ، ڈنڈوں اور غلیلوں کی صورت میں مال غنیمت بھی پکڑا گیا۔ ان کے بلوائیوں کے ہاتھوں پولیس اہلکار کی جان گئی، اس کا خون کس کے سر ہے؟ کیا ایسی ہوتی ہیں سیاسی جماعتیں؟

یہ بھی پڑھیں: پرتھ ٹیسٹ؛ بھارت نے آسٹریلیا کو بڑے مارجن سے شکست دیدی

پنجاب کے عوام کا شکریہ

لیگی رہنما کا کہنا تھا کہ اس پرامن احتجاج میں پولیس کی 10 گاڑیاں جلائی گئی ہیں، 441 سیف سٹی کے کیمرے بھی توڑے گئے ہیں۔ پنجاب کے عوام نے ان کے احتجاج کو مسترد کردیا ہے، پنجاب کے لوگ باہر کیوں نکلیں گے؟

یہ بھی پڑھیں: وزیراعلیٰ سہیل آفریدی کے رشتہ دار منشیات کے کاروبار میں ملوث ہیں، یہ سرپرستی کرتے ہیں۔ وزیراعظم کے کوآرڈینیٹر اختیار ولی کا بڑا الزام

کھیتوں کے لئے اقدامات

ان کا کہنا تھا کہ پنجاب کے کسانوں کو کسان کارڈ، خصوصی افراد کو ہمت کارڈ مل رہے ہیں۔ مریم نواز اب نوجوانوں کو لیپ ٹاپس دینے جارہی ہیں، کے پی کے عوام کے مقدر میں بھی پنجاب جیسی ترقی ہونی چاہئے۔

آخری پیغام

صوبائی وزیر نے مزید کہا کہ جنہوں نے ریاست پر حملہ کیا پھر ان بلوائیوں کو سزا بھی ملنی چاہئے۔