علیمہ خان کا پاسپورٹ اور شناختی کارڈ بلاک کر دیا گیا

علیمہ خان کا پاسپورٹ اور شناختی کارڈ بلاک

راولپنڈی(ڈیلی پاکستان آن لائن) بانی پی ٹی آئی عمران خان کی ہمشیرہ علیمہ خان کا پاسپورٹ اور شناختی کارڈ بلاک کر دیا گیا۔

یہ بھی پڑھیں: امریکی حملوں کے باوجود ایران کی ایٹم بم بنانیکی صلاحیت ختم نہیں ہوئی: عالمی تجزیہ کار

عدالتی احکامات

ہم نیوز کے مطابق راولپنڈی کی انسداد دہشتگردی کی عدالت کے حکم پر علیمہ خان کا پاسپورٹ بلاک کیا گیا اور نادرا حکام نے پاسپورٹ بلاک کرنے کی رپورٹ عدالت میں جمع کروا دی۔

یہ بھی پڑھیں: کراچی کا شادی حال میدان جنگ بن گیا، دلہا دلہن کے رشتے دار گتھم گتھا، پولیس اہلکاروں کی بھی پٹائی کر دی گئی

احتجاج کیس کی تفصیلات

واضح رہے کہ عدالت نے 26 نومبر احتجاج کیس میں عدم پیشی پر علیمہ خان کا پاسپورٹ اور شناختی کارڈ بلاک کرنے کے احکامات جاری کیے تھے۔

یہ بھی پڑھیں: مبینہ بوگس تقرریاں ،وزارت سائنس و ٹیکنالوجی نے اہم ادارے کو “ایک اور خط “بھیج دیا

گواہان کی طلبی

انسداد دہشتگردی کی عدالت کے جج امجد علی شاہ کی عدالت میں 30 اکتوبر کو گواہان کے بیان ریکارڈ کیے جائیں گے۔ جس کے لیے 5 گواہان کو عدالت میں طلب کر رکھا ہے۔

گرفتاری کا حکم

عمران خان کی ہمشیرہ علیمہ خان کو بھی کل گرفتار کر کے عدالت میں پیش کرنے کا حکم دیا گیا ہے۔ اس سے قبل ان کے 6 مرتبہ وارنٹ جاری ہو چکے ہیں۔