جنوبی افریقہ نے پہلی بار خواتین ورلڈ کپ کے فائنل میں جگہ بنا لی

گوہاٹی (ڈیلی پاکستان آن لائن) جنوبی افریقہ ویمن ٹیم نے شاندار کارکردگی کا مظاہرہ کرتے ہوئے انگلینڈ کو 125 رنز سے شکست دی اور پہلی مرتبہ ویمنز ورلڈ کپ کے فائنل میں جگہ بنا لی ہے۔

میچ کا خلاصہ

گوہاٹی میں کھیلے گئے میچ میں جنوبی افریقا نے پہلے بیٹنگ کرتے ہوئے 7 وکٹوں کے نقصان پر 319 رنز بنائے۔ اوپنر لورا وولوارٹ نے شاندار بیٹنگ کرتے ہوئے 169 رنز کی یادگار اننگز کھیلی۔

انگلش بیٹنگ لائن کی ناکامی

ہدف کے تعاقب میں انگلش ویمنز ٹیم 194 رنز پر ڈھیر ہوگئی۔ نیٹ سیور برنٹ نے 64 اور ایلس کیپسی نے 50 رنز بنائے، تاہم کوئی بھی کھلاڑی ٹیم کو فتح نہ دلا سکی۔

جنوبی افریقہ کی بولنگ کی شان

جنوبی افریقہ کی جانب سے ماریزان کپ نے تباہ کن بولنگ کرتے ہوئے 5 کھلاڑیوں کو پویلین کی راہ دکھائی۔