وزیراعظم شہباز شریف نے طلبا کیلئے مفت لیپ ٹاپ اسکیم 2025 کا افتتاح کر دیا

وزیراعظم کا مفت لیپ ٹاپ اسکیم کا افتتاح

اسلام آباد (ڈیلی پاکستان آن لائن) وزیراعظم شہباز شریف نے طلبا کیلئے مفت لیپ ٹاپ اسکیم کا افتتاح کر دیا۔ اس موقع پر تقریب سے خطاب کرتے ہوئے کہا کہ ایک لاکھ لیپ ٹاپس میرٹ پر دیئے جائیں گے۔ اے آئی کے میدان میں ہمیں بہت آگے جانا ہے۔

یہ بھی پڑھیں: ہمیں بیرسٹر سیف پر اعتماد نہیں، یہ بغیر اجازت کے بھی عمران خان سے ملاقات کر آتے ہیں، کوئی روکتا بھی نہیں : رحمان جلال

سعودی عرب کا پاکستانی نوجوانوں کے لیے تعاون

شہباز شریف نے خطاب کرتے ہوئے کہا کہ سعودی عرب نے اے آئی اور آئی ٹی میں پاکستانی نوجوانوں کو تعلیم دینے کی پیشکش کی ہے۔ پاکستان سے لاکھوں طلبا تربیت کیلئے بھیجے جائیں گے۔ سعودی عرب نے اے آئی میں پاکستانی افرادی قوت کو بڑے مواقع دینے کی بھی پیشکش کی۔ ویژن ٹوئنٹی تھرٹی اور فیفا ورلڈ کپ کیلئے تربیت یافتہ پاکستانی افرادی قوت بھی سعودی عرب جائے گی۔

یہ بھی پڑھیں: آج عمران خان سے ملاقات کا دن ہے، اڈیالہ جیل کے باہر تمام مارکیٹیں اور دکانیں بند کروا دی گئی ہیں اور کرفیو کا سا سماں بنا دیا گیا ہے، حافظ فرحت عباس

قوم کے معماروں کے لئے وزیراعظم کا پیغام

وزیراعظم نے کہا کہ ملک کے ہونہار طلبا کو قوم کا سلام۔ خوشی ہے کہ قوم کے معماروں کے سامنے کھڑا ہوں۔ جدت کے میدانوں میں نوجوان نسل کیلئے تمام وسائل بروئے کار لانے کا عزم ہے۔ برادر ملک سعودی عرب پاکستان سے تعاون میں پیش پیش ہے۔

نوجوانوں کی ذمہ داری

وزیراعظم نے ملک و قوم کیلئے شہدا کی قربانیاں قابل قدر قرار دیتے ہوئے پیغام دیا کہ نوجوانوں نے ملک کو قائد و اقبال کا پاکستان اور عظیم ملک بنانا ہے۔