ہم فلسطینیوں کی مدد جاری رکھیں گے: وزیراعظم اسرائیل کی ظلم کے خلاف

پاکستان کی حمایت

اسلام آباد (ڈیلی پاکستان آن لائن) وزیراعظم شہباز شریف نے کہا ہے کہ پاکستان اسرائیلی ظلم و جبر کے شکار فلسطینی بہن بھائیوں کی اخلاقی، سفارتی اور سیاسی مدد جاری رکھے گا۔

یہ بھی پڑھیں: سربراہ پاک بحریہ ایڈمرل نوید اشرف کا عالمی یومِ ماحولیات 2025 کے موقع پر پیغام

یکجہتی کا پیغام

فلسطینی عوام کے ساتھ یکجہتی کے دن کے موقع پر اپنے پیغام میں وزیراعظم شہباز شریف نے کہا کہ غزہ اس وقت بدترین بمباری کے بعد کھنڈرات کا منظر پیش کر رہا ہے اور اس پر عالمی قوتوں کی خاموشی اتنی ہی قابل مذمت اور تشویشناک ہے جتنے اسرائیل کے مظالم۔

یہ بھی پڑھیں: بالیوڈ اداکار کی لاش برآمد، خاندان نے قتل کا شبہ ظاہر کر دیا

فلسطینیوں کی حالت

انہوں نے کہا کہ مجھ سمیت آج پوری قوم اپنے نہتے فلسطینی بہن بھائیوں کے ساتھ یکجہتی کا دن منا رہی ہے، 7 اکتوبر کو فلسطینیوں پر اسرائیلی ظلم و بربریت کی نئی لہر کو شروع ہوئے پورا ایک برس بیت چکا ہے۔ عالمی قوتوں، بین الاقوامی اداروں، سلامتی کونسل کی قراردادوں اور بین الاقوامی عدالت کا تمسخر اڑاتے ہوئے اسرائیل اب تک بچوں، بوڑھوں اور عورتوں سمیت 41 ہزار نہتے فلسطینیوں کا قتل عام، لاکھوں کو زخمی اور بے گھر کر چکا ہے۔

یہ بھی پڑھیں: امریکہ نے اس وقت فون کیا جب دوحہ میں دھماکے ہو رہے تھے، قطری وزارت خارجہ

ریاستی دہشت گردی

ان کا کہنا تھا کہ بچے کھچے بھوک و پیاس سے نڈھال لاکھوں فلسطینی آج بھی آسمان سے برستی بلا اشتعال بمباری کا شکار ہو رہے ہیں، اسرائیل کی ریاستی دہشت گردی اب نہ صرف غزہ اور فلسطین بلکہ خطے کے دوسرے ممالک کو اپنی لپیٹ میں لے رہی ہے۔

یہ بھی پڑھیں: صدر مملکت آصف علی زرداری نے 11 ویں این ایف سی کمیشن کی منظوری دے دی

عالمی برادری کا پیغام

آج کے دن میرا عالمی برادری کو پیغام ہے کہ اسرائیل کے ظلم و ستم اور نسل کشی کو اگر نہ روکا گیا تو یہ خطے کے امن کو تباہ کرکے ایسے کشیدہ حالات پیدا کر سکتی ہے جس کے منفی نتائج سے دنیا کا کوئی ملک متاثر ہوئے بغیر نہ رہ سکے گا۔

یہ بھی پڑھیں: ہندو اور مسلمان کے لباس میں دوقومی نظریہ موجود تھا،تقسیم ہند سے قبل ہندو دکاندار مسلمان کو سبزی دیتا تورقم ہاتھ میں لینے کی بجائے برتن آگے کردیتا

قائد اعظم کی تعلیمات

وزیراعظم کا کہنا تھا کہ پاکستان اپنے بانی، حضرت قائد اعظم کی پیروی کرتے ہوئے نہ صرف ظلم و جبر اور غیر قانونی غاصبے کی بنیادوں پر کھڑی اسرائیلی ریاست کو تسلیم نہیں کرتا بلکہ اس کے جبر و استبداد کی بھرپور مذمت کے ساتھ ساتھ اس کے خلاف ہر عالمی فورم پر آواز اٹھانے کے عزم کا اعادہ کرتا ہے۔

یہ بھی پڑھیں: پاکستان، چین، افغانستان کے درمیان سہ فریقی مذاکرات کا پہلا اجلاس، اقتصادی، سیکیورٹی اور علاقائی استحکام پر اتفاق

پاکستان کی حمایت

شہباز شریف نے کہا کہ پاکستانی حکومت اور اس کے عوام کے دل اپنے نہتے فلسطینی بہن بھائیوں کے ساتھ دھڑکتے ہیں، پاکستان اسرائیلی ظلم و جبر کے شکار نہتے فلسطینی بہن بھائیوں کی اخلاقی، سفارتی اور سیاسی مدد جاری رکھے گا۔

یہ بھی پڑھیں: قومی اسمبلی کی لفٹ بند ہوگئی، لفٹ میں سیما جیلانی کا مولانا فضل الرحمان سے دلچسپ مکالمہ

تعلیمی سہولیات

حال ہی میں ہر عالمی فورم پر میں نے تمام ممالک کے سامنے اسرائیل کی جانب سے غزہ اور فلسطین میں جاری نسل کشی کے خلاف بھرپور انداز میں آواز بلند کی۔ پاکستانی حکومت ایک علیحدہ فلسطینی ریاست جس کا دارالخلافہ بیت المقدس ہو کے قیام تک اپنے فلسطینی بہن بھائیوں کی حمایت جاری رکھے گی۔

یہ بھی پڑھیں: وزیر اعظم کی آل پارٹیز کانفرنس: مشرق وسطیٰ کی صورتحال پر بحث

مدد اور امداد

وزیراعظم نے اپنے پیغام میں کہا کہ پاکستان نے نہ صرف اپنے نہتے فلسطینی بہن بھائیوں تک امداد پہنچائی بلکہ میڈیکل کے ایسے فلسطینی طلباء جن کی کشیدہ حالات کی بنا پر تعلیم رک گئی تھی ان کو پاکستانی کالجز میں تعلیم کی سہولت یقینی بنا ئی جارہی ہے۔

پوری دنیا کو پیغام

شہباز شریف نے مزید کہا ہے کہ پاکستان اس کڑے وقت میں اپنے فلسطینی بہن بھائیوں کو اکیلا نہیں چھوڑے گا، آج جب ہم پاکستان میں قومی سطح پر یوم یکجہتیِ فلسطین منا رہے ہیں میرا پوری دنیا کو یہ پیغام ہے کہ فلسطینیوں کا قتل عام روکنے کیلئے عملی اقدامات یقینی بنائے جائیں۔