وزیر خارجہ اسحاق ڈار سے کینیڈین ہم منصب انیتا آنند کی ٹیلیفونک گفتگو
ٹیلیفونک گفتگو
اسلام آباد(ڈیلی پاکستان آن لائن) نائب وزیر اعظم و وزیر خارجہ سینیٹر محمد اسحاق ڈار سے کینیڈا کی وزیر خارجہ انیتا آنند نے ٹیلیفونک گفتگو کی ہے۔
یہ بھی پڑھیں: سلمان علی آغا نے بھارت سے میچ ہارنے کی وجہ بتا دی
دو طرفہ تجارت اور سرمایہ کاری
دفتر خارجہ کی جانب سے جاری بیان کے مطابق دونوں رہنماؤں نے دو طرفہ تجارت اور سرمایہ کاری کو مضبوط بنانے بشمول زراعت اور کانوں سمیت معدنیات جیسے شعبوں اور غیر ملکی سرمایہ کاری کے فروغ اور تحفظ کے معاہدے (ایف آئی پی پی اے) کے تحت تعاون پر تبادلۂ خیال کیا۔
یہ بھی پڑھیں: بھارت میں شوہر کی دوسری شادی کی تقریب میں پہلی بیوی پہنچ گئی
کینیڈا کی کینولا کی برآمدات
’’اے پی پی‘‘ کے مطابق وزیر خارجہ انیتا آنند نے پاکستان کو کینیڈین کینولا کی برآمدات کے لیے مارکیٹ تک رسائی کی سہولت فراہم کرنے پر نائب وزیر اعظم کا شکریہ ادا کیا۔
اقتصادی تعاون کا عزم
دونوں رہنماؤں نے حالیہ تعمیری مصروفیات کو سراہتے ہوئے باہمی فائدہ مند اقتصادی تعاون کو آگے بڑھانے کے عزم کا اعادہ کیا اور قریبی رابطے میں رہنے پر اتفاق کیا۔
