چین کی ترقی ’’امریکہ کو دوبارہ عظیم بنانے‘‘ کے ٹرمپ کے وژن کے ساتھ ہم آہنگ ہے، چینی صدر

چین اور امریکہ کے تعلقات

بوسان، جنوبی کوریا (شِنہوا) - چین کے صدر شی جن پھنگ نے کہا ہے کہ چین کی ترقی اور احیا امریکی صدر ڈونلڈ ٹرمپ کے ’’امریکہ کو دوبارہ عظیم بنانے‘‘ کے تصور سے ہم آہنگ ہیں۔

یہ بھی پڑھیں: سکھوں کی عالمی تنظیم نے بڑا قدم اٹھا لیا ۔۔۔کینیڈا میں ’’خالصتان ایمبیسی‘‘ قائم

صدر شی جن پھنگ کی ملاقات

انہوں نے یہ بات ٹرمپ سے ملاقات کے دوران کہی۔ چینی صدر گیونگ جو میں ہونے والے اپیک اقتصادی رہنماؤں کے 32ویں اجلاس میں شرکت اور جنوبی کوریا کے سرکاری دورے کے لئے بوسان پہنچے ہیں۔

یہ بھی پڑھیں: اسلام آباد میں میٹرو اور الیکٹرک بسوں کے کرایوں میں 100 فیصد اضافہ کر دیا گیا

امریکہ اور چین کی شراکت داری

چینی صدر شی جن پھنگ نے کہا کہ دونوں ممالک ایک دوسرے کی کامیابی میں مدد دے سکتے ہیں اور مشترکہ طور پر خوشحالی حاصل کر سکتے ہیں۔ چین اور امریکہ کو شراکت دار اور دوست ہونا چاہیے۔ یہی تاریخ نے ہمیں سکھایا ہے اور یہی موجودہ حالات کا تقاضا ہے۔

آگے بڑھنے کے عزم کا اظہار

شی جن پھنگ نے مزید کہا کہ وہ صدر ٹرمپ کے ساتھ مل کر چین۔امریکہ تعلقات کی مضبوط بنیاد رکھنے اور دونوں ممالک کی ترقی کے لئے ایک مثبت ماحول پیدا کرنے کے لئے کام جاری رکھنے کو تیار ہیں۔