پنجاب پولیس کے سب انسپکٹرز کے لیے خوشخبری، پروموشن بورڈ کا اجلاس 10 نومبر کو طلب

پنجاب پولیس کے سب انسپکٹرز کے لیے خوشخبری

لاہور (ڈیلی پاکستان آن لائن) پنجاب پولیس کے سب انسپکٹرز کے لیے خوشخبری، آئی جی پنجاب کی ہدایت پر سب انسپکٹر سے انسپکٹر کے عہدے پر ترقی کے لیے پروموشن بورڈ کا اجلاس 10 نومبر کو ہو گا۔

یہ بھی پڑھیں: بیوی کا حق نان نفقہ ازدواجی تعلقات یا رخصتی سے مشروط نہیں: سپریم کورٹ

اجلاس کی تاریخ اور ہدایات

ترجمان پنجاب پولیس کے مطابق ڈی آئی جی اسٹیبلشمنٹ ون کی تمام اضلاع اور ریجنز کو ایک ہفتے کے اندر متعلقہ ریکارڈ مکمل کرنے کی ہدایت کی گئی ہے۔ ایڈیشنل آئی جی پنجاب سلطان احمد چوہدری پروموشن بورڈ کی صدارت کریں گے، اور ڈی آئی جی اسٹیبلشمنٹ ون سلیمان سلطان رانا، ڈی آئی جی اسٹیبلشمنٹ ٹو سمیت سینئر افسران اجلاس میں شرکت کریں گے۔

ترقی کے مواقع

آئی جی پنجاب ڈاکٹر عثمان انور کا کہنا ہے کہ میرٹ، سنیارٹی اور قواعد و ضوابط پر پورا اترنے والے 288 سب انسپکٹرز کو انسپکٹر کے عہدے پر ترقی دی جائے گی۔ رواں سال سب انسپکٹر سے انسپکٹر عہدے پر ترقی کے لیے 5 پروموشن بورڈ منعقد ہوئے، جن میں 757 افسران کو انسپکٹر عہدے پر ترقی دی گئی۔ گذشتہ پونے 3 سال میں سب انسپکٹرز سے انسپکٹر عہدے پر ترقی کے لیے 26 پروموشن بورڈز منعقد کیے گئے، جس میں 3167 افسران کو اگلے عہدوں پر ترقی ملی۔