دوستوں کے ساتھ جھگڑا، بھارتی کبڈی کھلاڑی قتل

بھارتی ریاست پنجاب میں کبڈی کھلاڑی کا قتل

لدھیانہ (ویب ڈیسک) بھارتی ریاست پنجاب کے شہر لدھیانہ میں قومی سطح کے کبڈی کھلاڑی کو دوستوں کے ساتھ جھگڑے کے دوران گولی مار کر قتل کردیا گیا۔

یہ بھی پڑھیں: وزیراعلیٰ مریم نواز نے 5 سالہ بچے پر کتے کے حملے کا نوٹس لے لیا، کمشنر سرگودھا سے رپورٹ طلب

واقعے کی تفصیلات

پولیس کے مطابق 26 سالہ تیج پال سنگھ اپنے دو دوستوں کے ساتھ جاگراؤں علاقے میں ایک فیکٹری کی طرف جا رہا تھا کہ راستے میں پرانی رنجش پر ان کے درمیان تکرار شروع ہو گئی۔ تکرار کے بعد جھگڑا شدت اختیار کر گیا، اسی دوران ایک نامعلوم شخص، جو تیج پال کے دوستوں میں سے کسی کے ساتھ موجود تھا، نے پستول نکال کر تیج پال کے سینے میں گولی مار دی۔

فائرنگ کا مقام اور بعد کے حالات

فائرنگ کا یہ واقعہ سینئر سپرنٹنڈنٹ آف پولیس کے دفتر سے کچھ فاصلے پر پیش آیا۔ خون میں لت پت تیج پال کو ہسپتال لے جایا گیا، لیکن وہ راستے میں ہی دم توڑ گیا۔ پولیس کا کہنا ہے کہ فائرنگ کرنے والے حملہ آور کی تلاش جاری ہے۔