اسلام آباد: ٹریفک پولیس اہلکاروں پر تشدد کرنے والا نوجوان گرفتار

نوجوان کی گرفتاری

اسلام آباد(ڈیلی پاکستان آن لائن)اسلام آباد میں ٹریفک پولیس اہلکاروں پر تشدد اور ہلڑ بازی کرنے والے نوجوان کو گرفتار کرلیا گیا۔

یہ بھی پڑھیں: ہمارے ملک کا ماحول مریض بنانےکی مشین بن گیا ہے، وفاقی وزیر صحت

واقعہ کی تفصیلات

روزنامہ جنگ کے مطابق پولیس کاکہنا ہے کہ واقعہ گزشتہ رات آئی 8 مرکز میں پیش آیا۔جہاں نوجوان نے آئی 8 مرکز میں ہلڑ بازی کی اور پولیس اہلکاروں پر تشدد کیا۔

یہ بھی پڑھیں: آئی ٹی اور ای کامرس سروس سیکٹر کے وفد کا لاہور چیمبر آف کامرس کا دورہ

ویڈیو شواہد

ملزم کی پولیس اہلکاروں سے بدتمیزی اور گالم گلوچ کی ویڈیو بھی سامنے آئی تھی۔

ویڈیو میں ملزم کو پولیس اہلکاروں سے جھگڑتے اور گالم گلوچ کرتے دیکھا جا سکتا ہے، جبکہ بعد ازاں وہ اپنی گاڑی میں بیٹھ کر فرار ہوتا بھی نظر آ رہا ہے۔

پولیس کارروائی

تھانہ آئی 9 پولیس نے کارروائی کرتے ہوئے ملزم کو گرفتار کرلیا اور گاڑی کو بھی تھانے منتقل کردیا۔