شاہ رخ خان 60 برس کے ہوگئے

شاہ رخ خان کا 60 واں جشن

ممبئی(ڈیلی پاکستان آن لائن) بالی ووڈ کے بے تاج بادشاہ شاہ رخ خان نے اپنی 60 ویں سالگرہ پر مداحوں کو ایک شاندار تحفہ دیا۔

یہ بھی پڑھیں: کچے میں ریاستی رٹ کے قیام تک آپریشن ’’نجات مہران‘‘ جاری رہے گا: وزیر داخلہ سندھ

فلم 'کنگ' کا ٹیزر متعارف

2026 میں ریلیز ہونے والی فلم ’کنگ‘ کا ایکشن سے بھرپور پہلا ٹیزر جاری کر دیا گیا، جس نے شائقین میں دھوم مچا دی۔

یہ بھی پڑھیں: پیپلز پارٹی بجٹ سے پہلے کینالز کا منصوبہ مسترد کروائے گی، وزیراعلیٰ سندھ

یوٹیوب پر ٹیزر کی مقبولیت

ریڈ چلیز انٹرٹینمنٹ کے بینر تلے بننے والی اس فلم کا 1 منٹ 11 سیکنڈ کا ٹیزر ویڈیو شیئرنگ پلیٹ فارم یوٹیوب پر جاری کیا گیا، جسے مختصر وقت میں 5 لاکھ سے زائد بار دیکھا جا چکا ہے۔

یہ بھی پڑھیں: پاکستان میں پہلی بار پلگ اِن ہائبرڈ گاڑی ’’شارک6‘‘ متعارف

ڈائیلاگ کی خاصیت

ایکشن سے بھرپور فلم کے ٹیزر میں وائرل ڈائیلاگ شامل ہیں: ’کتنے خون کئے یاد نہیں، اچھے لوگ تھے یا برے کبھی پوچھا نہیں، بس ان کی آنکھوں میں احساس دیکھا یہ ان کی آخری سانس ہے، اور میں اس کی وجہ۔۔۔ ہزار جرم سو دیشوں میں بدنام، دنیا نے دیا صرف ایک ہی نام ’کنگ‘ ڈر نہیں دہشت ہوں‘۔

یہ بھی پڑھیں: وزیراعلیٰ سہیل آفریدی نے توہینِ عدالت کیس دائر کرنے کے لیے اسلام آباد ہائی کورٹ کو خط ارسال کردیا

فلم کی پروڈکشن اور سرمایہ کاری

ہدایت کار سدھارتھ آنند اور پروڈکشن ہاؤسز مارفلکس پکچرز کی اس فلم پر کنگ خان نے 2 بلین روپے کی خطیر سرمایہ کاری کی ہے۔ یہ خاص طور پر اس لیے بھی اہم ہے کہ اس فلم میں ان کی بیٹی سہانا خان کو بڑے پردے پر ڈیبیو کرتے ہوئے دیکھا جائے گا۔

یہ بھی پڑھیں: صدر ٹرمپ انڈیا پر مزید دباؤ بڑھائیں گے، پراوین ساہنی

فلم کی ریلیز کی تاریخ

فلم کی ریلیز سے متعلق کوئی حتمی تاریخ سامنے نہیں آئی، البتہ یہ 2026 میں سنیما گھروں کی زینت بنے گی۔

شاہ رخ خان کی حالیہ فلمیں

واضح رہے کہ اس سے قبل شاہ رخ خان کو آخری مرتبہ 2023 میں بڑے پردے پر دیکھا گیا تھا۔ اس سال انہوں نے تین فلمیں 'پٹھان'، 'جوان' اور 'ڈنکی' ریلیز کی تھیں۔