لاہور، رکشے پر بوتلوں سے بھرا ٹرک الٹ گیا، 2 خواتین سمیت 4 افراد جاں بحق

افسوسناک حادثہ لاہور میں

لاہور ( زین بابو) لاہور میں ایم اے او کالج کے قریب افسوسناک حادثہ پیش آیا، جہاں سافٹ ڈرنکس سے بھرا ایک ٹرک آٹو رکشے پر اُلٹ گیا۔ حادثے کے نتیجے میں رکشے میں سوار چار افراد موقع پر ہی جاں بحق ہو گئے۔

یہ بھی پڑھیں: دو دن کے وقفے کے بعد سونا ایک ہزار روپے سستا ہوگیا

حادثے کی وجوہات

عینی شاہدین کے مطابق حادثہ تیز رفتاری کے باعث پیش آیا جبکہ جاں بحق ہونے والوں میں دو خواتین اور دو مرد شامل تھے۔ ٹرک کے اُلٹنے کے بعد وہاں دل دہلا دینے والا منظر تھا۔

یہ بھی پڑھیں: جے یو آئی کے رہنما اکشے کمار بترا کی جانب سے افطار پارٹی کا اہتمام، مولانا راشد محمود سومرو اور عبید الرحمن کی شرکت

موقع پر عوام کا ردعمل

لیکن افسوسناک پہلو یہ سامنے آیا کہ موقع پر موجود لوگ زخمیوں کو نکالنے کے بجائے ٹرک میں سے گِری ہوئی بوتلیں اُٹھانے میں مصروف رہے۔

یہ بھی پڑھیں: کاش میں وہ غلطی نہ کرتا: پاکستان میں پولیو کے بڑھتے کیسوں کا افغانستان سے تعلق کیا ہے؟

ریسکیو اور پولیس کی کارروائیاں

ریسکیو 1122 کی ٹیم نے موقع پر پہنچ کر لاشوں کو ہسپتال منتقل کیا جبکہ ٹرک ڈرائیور موقع سے فرار ہو گیا۔ پولیس نے جائے وقوعہ سے شواہد اکٹھے کر کے مزید تحقیقات شروع کر دی ہیں۔

عوامی رائے

عوامی حلقوں نے اس واقعے کو انسانیت کے منہ پر ایک طمانچہ قرار دیا۔