محکمہ موسمیات نے بارش کی پیشگوئی کر دی

محکمہ موسمیات کی پیشگوئی

راولپنڈی (ڈیلی پاکستان آن لائن) محکمہ موسمیات نے ملک کے بالائی علاقوں میں 4 سے 5 نومبر کے دوران بارش کا امکان ظاہر کیا ہے۔

یہ بھی پڑھیں: پنجاب کے 5 بڑے شہروں میں ’’سُکھ دا ویہڑا‘‘ فیملی کمپلیکس کے قیام کافیصلہ

مغربی ہواؤں کا سلسلہ

محکمہ موسمیات کے مطابق 3 نومبر کی رات مغربی ہواؤں کا سلسلہ ملک کے بالائی علاقوں میں داخل ہونے کا امکان ہے جو 5 نومبر تک موجود رہے گا۔

یہ بھی پڑھیں: کالے ڈالے میں شہری کو اغوا کرنے کی کوشش، یاسر شامی نے روکا تو اندر سے کون نکل آیا؟

بارش کی پیش گوئی

4 سے 5 نومبر کے دوران راولپنڈی، مری، گلیات، اٹک، جہلم، چکوال، تلہ گنگ سمیت دیگر بالائی علاقوں میں گرج چمک کے ساتھ بارش، تیز ہواؤں، آندھی اور پہاڑوں پر برف باری کا امکان ہے۔ بارش کی وجہ سے درجہِ حرارت میں نمایاں کمی کا بھی امکان ہے۔

یہ بھی پڑھیں: گرمی سے تنگ لودھراں کا نوجوان گھر والوں سے کھاد اور سپرے کے پیسے لے کر مری سیر کو نکل گیا

سموگ میں کمی کی امید

محکمہ موسمیات نے بارش کے دوران سموگ میں کمی کا امکان بھی ظاہر کیا ہے۔ محکمہ موسمیات کی جانب سے کسانوں کو موسمی صورتحال سے باخبر رہنے کی ہدایت بھی کی گئی ہے۔

مسافروں کے لیے ایڈوائزری

مسافروں اور سیاحوں کے لیے جاری ایڈوائزری میں کہا گیا ہے کہ وہ آندھی و طوفان کی صورتحال میں محفوظ مقامات پر رہیں، غیر ضروری سفر سے گریز کریں۔ عوام الناس انتظامیہ کی جانب سے جاری احتیاطی تدابیر پر عملدرآمد کریں تاکہ کسی ناخوشگوار واقعے سے بچا جا سکے۔