اسلام آباد ہائیکورٹ کا سلمان اکرم راجہ کی بانی سے آج ہی ملاقات کرانے کا حکم

اسلام آباد ہائیکورٹ کی اہم ہدایات

اسلام آباد (ڈیلی پاکستان آن لائن) - اسلام آباد ہائی کورٹ نے جیل حکام کو سلمان اکرم راجہ کی بانی پی ٹی آئی عمران خان سے آج ہی ملاقات کرانے کی ہدایت کی۔

یہ بھی پڑھیں: پی ٹی آئی پارلیمنٹیرینز نے مخصوص نشستوں کے لیے اسلام آباد ہائیکورٹ سے رجوع کر لیا

سماعت کی تفصیلات

نجی ٹی وی چینل دنیا نیوز کے مطابق، اسلام آباد ہائیکورٹ کے جسٹس ارباب محمد طاہر نے بانی پی ٹی آئی کا ایکس اکاؤنٹ بند کرنے کے لئے دائر درخواست پر سماعت کی۔ عمران خان کے وکیل سلمان اکرم راجہ پیش ہوئے جبکہ بانی پی ٹی آئی کی بہن علیمہ خان بھی عدالت میں موجود تھیں۔

یہ بھی پڑھیں: ایران میں پاکستانی زائرین کی مدد اور واپسی کیلئے سفارتی مشن متحرک

جیل حکام کی رپورٹ

دوران سماعت، جیل حکام کی جانب سے رپورٹ عدالت میں جمع کرائی گئی۔ عدالت نے جواب کی کاپی فریقین کو فراہم کرنے کی ہدایت کی، جبکہ نیشنل سائبر کرائم انویسٹی گیشن ایجنسی نے عدالت سے جواب جمع کرانے کے لئے وقت مانگ لیا۔

یہ بھی پڑھیں: چینی سستی نہ ہونے پر حکومت برہم، شوگر ملوں کیخلاف کریک ڈاؤن کی وارننگ

وکیل کا مؤقف

وکیل سلمان اکرم راجہ نے کہا کہ میری بانی پی ٹی آئی تک رسائی نہیں، ہدایات لینے کے بعد ہی جواب دے سکتا ہوں۔

جسٹس ارباب محمد طاہر نے استفسار کیا کہ کیا آپ کے پاس اختیار نہیں ہے؟ سلمان اکرم راجہ نے بتایا کہ انہیں بانی پی ٹی آئی کے ساتھ بیٹھ کر مشاورت کرنی ہے۔

یہ بھی پڑھیں: صدر ٹرمپ کے عمران خان کا ذکر نہ کرنے اور فیلڈ مارشل کی تعریفوں کی وجہ بالآخر سینئر صحافی سہیل وڑائچ نے بتادی

جیل حکام کی غیر موجودگی

جسٹس ارباب محمد طاہر نے پوچھا کہ جیل حکام نے آج آنا تھا، وہ کہاں ہیں؟ جیل حکام نے کوئی رپورٹ جمع کرائی ہوئی ہے وہ لے لیجئے گا۔

سلمان اکرم راجہ نے کہا کہ اسلام آباد ہائیکورٹ کے فل بنچ کے حکم کے باوجود بانی پی ٹی آئی سے ملاقات نہیں کرائی جا رہی، جس پر جسٹس ارباب محمد طاہر نے ریمارکس دیئے کہ ہمیں یہ درخواست ملاقات کے لئے نہیں سن رہے۔

یہ بھی پڑھیں: برطانوی محکمہ ٹرانسپورٹ کا سیکیورٹی آڈٹ کے لیے اسلام آباد ایئرپورٹ کا اہم دورہ

عدالتی حکم کی وضاحت

ایڈووکیٹ سلمان اکرم راجہ نے کہا کہ عدالت یہ ہدایت کرے کہ بانی پی ٹی آئی سے ان کی ملاقات کرائی جائے۔ عدالت نے کہا کہ فل بنچ نے ملاقاتوں کا آرڈر تو دیا تھا، جس پر ایڈووکیٹ سلمان اکرم راجہ کا کہنا تھا کہ وہ صرف زبانی آرڈر تھا، تحریری حکمنامہ نہیں ملا۔

یہ بھی پڑھیں: ایران پر اسرائیلی جارحیت، وزیر اعلیٰ مریم نواز کا بیان بھی آ گیا

نئی درخواست

جسٹس ارباب محمد طاہر نے پوچھا کہ کیا آرڈر نہیں ملا؟ آپ نے آرڈر کے لئے درخواست نہیں کی ہوگی؟ سلمان اکرم راجہ نے کہا کہ انہوں نے درخواست کی تھی لیکن کاپی نہیں ملی، اب دوبارہ کرنے پر آمادہ ہیں۔

یہ بھی پڑھیں: عمران خان کو اقتدار میں لانے والوں میں فیض حمید سرفہرست تھے: خواجہ آصف

ملاقات کی یقین دہانی

عدالت نے ہدایت کی کہ جیل حکام سلمان اکرم راجہ کی بانی پی ٹی آئی سے ملاقات یقینی بنائیں۔ ایڈووکیٹ سلمان اکرم راجہ نے کہا کہ آج ملاقات کا دن ہے، آج ہی ملاقات کرانے کا حکم دیں۔ عدالت نے کہا کہ آج ہو یا آئندہ منگل ملاقات ہو جائے۔

یہ بھی پڑھیں: گلبرگ میں قائم قبحہ خانے پر پولیس کا چھاپہ ، 10خواتین سمیت18مرد گرفتار

عدالتی کارروائی کا اختتام

جسٹس ارباب طاہر نے ہدایت کی کہ جیل حکام آج ہی بانی پی ٹی آئی سے سلمان اکرم راجہ کی ملاقات یقینی بنائیں۔ انہوں نے کہا کہ کسی نہ کسی دن یہ دروازہ کھلے گا، کیونکہ پچھلے سات آٹھ ماہ سے مسلسل عدالتی حکم کی توہین کی جا رہی ہے۔

ایڈووکیٹ سلمان اکرم راجہ نے کیس سے متعلق بانی سے مشاورت کے لئے وقت مانگا اور کہا کہ وہ ملاقات کے بعد عدالت کو کیس کے بارے میں آگاہ کریں گے۔

ملاقات کی اجازت

عدالت نے سلمان اکرم راجہ کو بانی سے ملاقات کی اجازت دینے کی ہدایت کرتے ہوئے کیس کی سماعت ملتوی کر دی۔