مارگلہ ہلز نیشنل پارک توہین عدالت کیس؛ سپریم کورٹ نے سول جج کے حکم امتناع پر مالک کے خلاف نوٹس واپس لے لیا

مارگلہ ہلز نیشنل پارک کیس

اسلام آباد(ڈیلی پاکستان آن لائن) مارگلہ ہلز نیشنل پارک توہین عدالت کیس میں سول جج کے حکم امتناع دینے پر سپریم کورٹ نے مالک کے خلاف نوٹس واپس لے لیا۔ عدالت عظمیٰ نے جج کے خلاف کارروائی کا حکم دیدیا۔

یہ بھی پڑھیں: عمران خان کے بچوں کی پاکستان آمد کے اعلان سے مومینٹم بن رہا تھا لیکن بار بار علی امین گنڈاپور کے اعلانات سے مومینٹم ٹوٹ جاتا ہے، بیرسٹر سعد رسول

عدالت کا فیصلہ

نجی ٹی وی چینل دنیا نیوز کے مطابق، عدالت نے مارگلہ ہلز میں عمارتیں گرانے کیخلاف حکم امتناع دینے والے جج کا معاملہ اسلام آباد ہائیکورٹ کو بھجوا دیا۔ چیف جسٹس پاکستان نے کہا کہ اسلام آباد ہائیکورٹ دیکھے کیا اس معاملے پر کوئی ایکشن لینے کی ضرورت ہے۔

یہ بھی پڑھیں: سوشل میڈیا کی ایک غلط پوسٹ جیل لے جا سکتی ہے، این سی سی آئی اے

ججز کی کارروائی پر سوالات

کمال ہے کہ سول جج سپریم کورٹ کے احکامات پر عملدرآمد روک رہے ہیں۔ کیا سول جج نے حکم امتناع دے کر توہین عدالت کی؟ اس قسم کے ججز کے خلاف کارروائی ہونی چاہئے۔

یہ بھی پڑھیں: پنجاب کو مقامی اور غیر ملکی سرمایہ کاری کا ہب بنانا چاہتے ہیں: وزیر اعلیٰ مریم نواز

جج انعام اللہ کا حکم

جسٹس شاہد بلال نے کہا کہ جج انعام اللہ نے دعویٰ پر حکم امتناع جاری کیا۔ دعویٰ کورٹ فیس ادائیگی کے بغیر قابل سماعت نہیں تھا۔

یہ بھی پڑھیں: اسلام آباد ہائیکورٹ نے 2 ماہ میں 600 ارب روپے سے زائد کے ٹیکس مقدمات نمٹا دیے

سوشل میڈیا پر پروپیگنڈا

چیف جسٹس نے کہا کہ سول جج کو کیسے معلوم ہوا کہ درخواستگزار عجب گل درجہ اے کا ٹھیکیدار ہے۔ جسٹس شاہد بلال نے وضاحت کی کہ پوری پنجاب کی ماتحت عدلیہ میں بھی یہی ہوتا ہے، وکلا جج کو دعویٰ پڑھنے نہیں دیتے اور حکم امتناع لے لیتے ہیں۔

یہ بھی پڑھیں: بچوں کو سکول بھیجنے کی عمر 7 سال ہے، معروف اداکار جوڑنے نے بچوں کو کم عمر میں سکول بھیجنے کی مخالفت کردی۔

وکیل کی وضاحت

وکیل ریسٹورنٹ نے کہا کہ میرے موکل کا پروپیگنڈہ سے کوئی تعلق نہیں، ہم نے متعلقہ جگہ کا قبضہ دیدیا اور جگہ خالی کردی۔ جس دعویٰ پر ریسٹورنٹ عمارت گرانے کا حکم امتناع دیا گیا وہ 2 اکتوبر کو واپس لے لیا گیا۔

آئینی حیثیت

چیف جسٹس نے کہا کہ سپریم کورٹ نے یکم اکتوبر کو رپورٹ طلب کی۔ 2 اکتوبر کو عجب گل نے اپنا دعویٰ واپس لے لیا۔ آئین کے تحت ایگزیکٹو اور عدلیہ سپریم کورٹ کا حکم ماننے کے پابند ہیں۔ بظاہر حکم امتناع عدالتی احکامات کی نفی کرنے کیلئے جاری کیا گیا۔