محسوس ہو رہا ہے کہ 27ویں آئینی ترمیم پر کام شروع ہو چکا ہے، اسپیکر پنجاب اسمبلی ملک محمد احمد خان

اسپیکر پنجاب اسمبلی کا بیان

لاہور (ڈیلی پاکستان آن لائن) اسپیکر پنجاب اسمبلی ملک محمد احمد خان کا کہنا ہے کہ محسوس ہو رہا ہے کہ ستائیسویں آئینی ترمیم پر کام شروع ہو چکا ہے۔

یہ بھی پڑھیں: معاملات بات چیت سے حل ہوتے ہیں دھمکیوں سے نہیں: خواجہ آصف

بلدیاتی حکومت کی اہمیت

میڈیا سے گفتگو کرتے ہوئے انہوں نے کہا کہ بلدیاتی حکومت ایک ایسا موضوع ہے جس پر صوبوں نے قُانون سازی کرنی ہے۔ پنجاب اسمبلی سے بھیجی گئی قرارداد پر تمام جماعتوں نے موقف اختیار کیا کہ بلدیاتی حکومت کو آئینی تحفظ ملنا چاہیئے۔ بلدیاتی حکومت کا وقت برقرار رہنا چاہئے۔ سندھ میں بلدیات کا نظام ہے اور وہاں ہر جماعت اپنا نظریہ رکھتی ہے۔ جیسے وفاق اور صوبائی حکومت کو آئینی تحفظ حاصل ہے، ایسے ہی مقامی حکومتوں کو بھی آئینی تحفظ ہوناچاہیے۔

یہ بھی پڑھیں: موٹر وے پر پولیس وین ٹرک سے ٹکرا گئی، 2 اہلکار جاں بحق، 8 زخمی

آئینی تحفظ کے حصول کے اقدامات

ملک محمد احمد خان نے کہا کہ مقامی حکومتوں کو آئینی تحفظ حاصل کرنے کے حوالے سے صدر پاکستان اور وزیر اعظم پاکستان تک پیغام پہنچائوں گا۔ مقامی حکومتوں کو آئینی تحفظ دینے پر کسی کو اعتراض نہیں ہونا چاہیئے۔ ستائیسویں آئینی ترمیم میں مقامی حکومتوں کو آئینی تحفظ کی شق شامل نہیں ہوتی تو بعد میں بھی ہو سکتی ہے۔

صوبوں کی مالی ذمہ داریاں

کیا صوبوں کو این ایف سی کے فنڈز دینے کے بعد وفاق کے پاس اتنی گنجائش رہ جاتی ہے کہ وہ اپنا کام چلا سکے؟ جو وفاق نے قرض کی ادائیگی کرنی ہے اس میں صوبے بھی اپنا حصہ ڈالیں۔