کتابوں کے بنڈل گم ہونے پر آپ کو کس طرح کی سزا بھگتنا پڑ سکتی ہے

مصنف: رانا امیر احمد خاں

قسط: 208

یہ بھی پڑھیں: بیٹے کی ہاؤسنگ سکیم اور اکاؤ نٹ میں 49ارب روپے کی موجودگی کی افواہوں پر مولانا طارق جمیل کی وضاحت آگئی

کرتارپورہ ریلوے سٹیشن

امرتسر اور جالندھر کے درمیان کرتارپورہ نامی سٹیشن پر گاڑی چند منٹ کے لیے رکتی ہے۔ یہ شہر پورے بھارت میں معیاری اور خوبصورت فرنیچر سازی کی وجہ سے مشہور ہے۔

یہ بھی پڑھیں: وزیراعظم شہباز شریف کا سیکریٹری جنرل اقوام متحدہ انتونیو گوتریس کے ساتھ کا ٹیلی فونک رابطہ

سرفراز سید کی تشویش

سرفراز سید نے فکر مندی کے عالم میں بتایا کہ پاکستان سے چلتے ہوئے ماہنامہ "تخلیق" کے ایڈیٹر اور منفرد لہجے کے شاعر اظہر جاوید نے کتابوں کا ایک پیکٹ ان کے حوالے کیا تھا اور بتایا تھا کہ لدھیانہ ریلوے سٹیشن پر ڈاکٹر کیول دھیر ان کے منتظر ہوں گے۔ وہاں یہ ادبی امانت آپ سے وصول کر لیں گے۔

یہ بھی پڑھیں: سرکاری کاروباری اداروں کے منافع میں کمی، پاور سیکٹر کے نقصانات 5 ہزار 900 ارب روپے تک پہنچ گئے

کتب کا ضیاع

پھر انکشاف کیا کہ کتب کا وہ پیکٹ جو اظہر جاوید نے دیا تھا امرتسر ریلوے سٹیشن پر کہیں رہ گیا ہے۔ اس لیے ڈاکٹر کیول دھیر کے سامنے بڑی شرمندگی کا سامنا ہو گا۔

یہ بھی پڑھیں: زلزلے کی تباہی: انسانی المیے اور خیمہ بستیاں

ڈاکٹر کیول دھیر کون ہیں؟

آخر یہ کیول دھیر کون ہیں جن سے آپ ڈر رہے ہیں، ام کلثوم نے سوال کیا۔ باقی دوست بھی ڈاکٹر کیول دھیر کے بارے میں جاننا چاہتے تھے۔ چنانچہ ظفر علی راجا نے وضاحت کی کہ ڈاکٹر کیول دھیر ایک بڑی ادبی شخصیت ہیں۔ قیام پاکستان سے آٹھ دس سال قبل بوریوالہ کے قریبی قصبہ گگو میں پیدا ہوئے۔ ان کی 60 سے زائد کتابیں شائع ہو چکی ہیں اور وہ عوامی سطح پر پاک، بھارت دوستی کے بڑے داعی ہیں۔

یہ بھی پڑھیں: وفاقی بجٹ کو مسترد کرتے ہیں، صدر آل پاکستان انجمن تاجران

لدھیانہ ریلوے سٹیشن پر ملاقات

لدھیانہ ریلوے سٹیشن پر گاڑی رکی تو ہم نے دیکھا کہ ڈاکٹر کیول دھیر اپنے ایک لکھاری دوست لَلت بیری کے ساتھ ہمارے منتظر تھے۔ سرفراز سید نے سب ارکان کا تعارف کروایا۔ محترم لَلت بیری کے بارے میں انہوں نے بتایا کہ یہ صاحب حالات حاضرہ پر انگریزی زبان میں مضامین لکھتے ہیں۔

یہ بھی پڑھیں: علی امین گنڈاپور نے کچھ چیزیں کرنے سے انکار کیا، اس لیے ان کو ہٹا کر سہیل آفریدی کو لایا گیا، رانا ثناء اللّٰہ

کتابوں کا پیکٹ

ڈاکٹر کیول دھیر نے کتابوں کا بنڈل گم ہونے پر سرفراز سید کی معذرت اور خواتین کی خصوصی سفارش خوشدلی سے قبول کرتے ہوئے کہا کہ کم از کم ایک سزا تو آپ لوگوں کو بھگتنا ہو گی یعنی میرے ساتھ ایک تصویر بنوانی پڑے گی۔ تصویر بنتے ہی انہوں نے 2 پیکٹ ہمارے حوالے کیے اور کہا کہ سزا یافتہ لوگوں کی غذائی تفریح کا ہم خاص خیال رکھتے ہیں۔

یہ بھی پڑھیں: حکومت کا عالمی سطح پر پیٹرولیم مصنوعات کی قیمتوں میں کمی کا فائدہ عوام کو منتقل نہ کرنے کا فیصلہ

نظارہ وداع

محبتوں کے یہ نذرانے لیے ہوئے جب ہم گاڑی کی طرف پلٹے تو سگنل ہو چکا تھا۔ اپنی نشستوں پر بیٹھ کر ہم لوگوں نے کھڑکی سے باہر اپنے مہربانوں کی طرف دیکھا تو وہ پلیٹ فارم سے ہاتھ ہلا ہلا کر ہمیں الوداع کہہ رہے تھے۔

یہ بھی پڑھیں: سیشن کورٹ لاہور کا جناح ہسپتال کے ڈاکٹر کو ریپ کیس میں 14 سال سزا کا حکم

مشاعرہ کا ذکر

اس موقع پر ہمارے دوست شاعر ظفر علی راجا نے مولانا الطاف حسین حالی کے ایک شعر سے لفظ 'حالی' نکال کر ڈاکٹر کیول دھیر کو داد دی:

بہت دل خوش ہوا کیول سے مل کر
ابھی کچھ لوگ باقی ہیں جہاں میں

یہ بھی پڑھیں: چیئرمین جوائنٹ چیفس آف اسٹاف کمیٹی سے تاجک چیف آف جنرل اسٹاف کی ملاقات

بھارت کے زراعتی کامیابیاں

دہلی تک کے اس ریلوے سفر کے دوران ہم آپس میں گفتگو کرتے رہے۔ بھارت میں ریلوے کا عمدہ نظام اور کپاس کی پیداوار میں خود کفالت سے بڑھ کر ایکسپورٹس کے قابل ہو جانا پاکستانی حکمرانوں کے مقابلے میں بھارتی حکمرانوں کی گڈگورننس کا منہ بولتا ثبوت ہے۔

یہ بھی پڑھیں: بنگلہ دیشی عوام کا کشمیر اور فلسطین کی آزادی کے لیے احتجاج، بھارت سے جنگ کی صورت پاکستان کا ساتھ دینے کا اعلان

زرعی تحقیق میں ناکامی

بھارت دنیا کے ان ترقی یافتہ ممالک کی صف میں شامل ہے جہاں کپاس کے بی ٹی بیجوں پر کامیاب تجربات کئے گئے ہیں۔ اس میدان میں ارجنٹائن، آسٹریلیا، برازیل، چین، کولمبیا، ساؤتھ افریقہ اور میکسیکو کے ساتھ بھارت کا نام بھی آتا ہے جبکہ ہماری حکومتیں پاکستان میں زرعی فصلوں کی فی ایکڑ پیداوار بڑھانے کے ضمن میں ریسرچ اور اعلیٰ بیج پیدا کرنے کے تجربات کے لیے متعلقہ اداروں کو ضروری سہولیات مہیا کرنے میں ناکام ہیں۔

نوٹ

یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔