ڈی جی کاؤنٹر نارکوٹکس فورس پنجاب بریگیڈیئر مظہر کی سابق صوبائی وزیر و صدر یو ایم ٹی ابراہیم حسن مراد سے اہم ملاقات

ملاقات کا تعارف

لاہور (ڈیلی پاکستان آن لائن) ڈی جی کاؤنٹر نارکوٹکس فورس پنجاب بریگیڈیئر مظہر کی سابق صوبائی وزیر و صدر یو ایم ٹی ابراہیم حسن مراد سے اہم ملاقات ہوئی ہے۔

یہ بھی پڑھیں: کتابوں کے بنڈل گم ہونے پر آپ کو کس طرح کی سزا بھگتنا پڑ سکتی ہے

ملاقات کی تفصیلات

تفصیلات کے مطابق ملاقات یو ایم ٹی جوہر ٹاؤن کیمپس میں ابراہیم حسن مراد کے دفتر میں ہوئی۔ اس ملاقات میں منشیات کے خلاف آگاہی، نوجوانوں کی کردار سازی اور مشترکہ اقدامات پر تفصیلی تبادلۂ خیال کیا گیا۔ ابراہیم حسن مراد نے منشیات سے پاک معاشرے کے قیام میں سی این ایف کے کردار کو سراہا۔

یہ بھی پڑھیں: سلمان خان کی رہائش گاہ میں داخل ہونے کی کوشش کرنے والی عورت گرفتار کرلی گئی

نوجوانوں کی حفاظت اور کردار سازی

بریگیڈیئر مظہر نے منشیات کے خلاف مہم میں یو ایم ٹی کے تعاون کو قابلِ قدر قرار دیتے ہوئے کہا کہ نوجوان نسل کو منشیات سے محفوظ رکھنے میں تعلیمی اداروں کا کردار انتہائی اہم ہے۔ انہوں نے یو ایم ٹی کے مثبت تعلیمی اور سماجی کردار کو بھی سراہا۔

یہ بھی پڑھیں: عدت کیس، عمران اور بشریٰ بی بی کی بریت کیلئے پارٹی نے ’’حکام‘‘ سے مدد مانگی تھی، انصار عباسی کا دعویٰ

سماجی شعور کی ضرورت

ابراہیم حسن مراد نے کہا کہ تعلیم کے ساتھ کردار سازی اور سماجی شعور کو فروغ دینا وقت کی ضرورت ہے، اور یو ایم ٹی تعلیم کے ساتھ سماجی اصلاح اور نوجوانوں کی رہنمائی میں نمایاں کردار ادا کر رہی ہے۔

یہ بھی پڑھیں: پنجاب قائد اعظم گیمز کا پہلے بھی فاتح رہا ہے اور اب بھی کامیابی کا تسلسل برقرار رکھیں گے، خضر افضال چودھری

مستقبل کے اقدامات

ملاقات میں منشیات کے استعمال کی روک تھام کے لیے مشترکہ ورکشاپس اور آگاہی سیمینارز کے انعقاد پر اتفاق کیا گیا۔ ملاقات میں چیف ایڈوائذر لیفٹیننٹ جنرل (ر) جاوید حسن اور پرووسٹ یو ایم ٹی ڈاکٹر اصغر زیدی بھی موجود تھے۔