لیسکو کا آپریشن، 6700 سے زائد نادہندگان سے 1 ماہ میں کتنے واجبات وصول کر لیے؟ جانیے

لیسکو کا آپریشن مع نادہندگان

لاہور (طیبہ بخاری سے) لیسکو کا آپریشن ، 6700 سے زائد نادہندگان سے گذشتہ 1ماہ میں کتنے واجبات وصول کر لیے ؟ اس حوالے سے اہم تفصیلات سامنے آئی ہیں ۔

یہ بھی پڑھیں: شہریوں سے بھتہ لینا پولیس افسران کو مہنگا پڑگیا

آپریشن کی تفصیلات

لیسکو کی جانب سے بجلی چوروں کے خلاف زیرو ٹالرنس پالیسی پر عملدرآمد کرتے ہوئے نادہندگان کے خلاف آپریشن جاری ہے۔ یکم اکتوبر سے 31 اکتوبر کے دوران 6 ہزار 700 سے زائد نادہندگان سے 25 کروڑ 80 لاکھ 80 ہزار سے زائد واجبات کی وصولی کر لی گئی۔

سرکل کی بنیاد پر ریکوری

سینٹرل سرکل: 1243 نادہندگان سے 5 کروڑ 35 لاکھ 60 ہزار کی ریکوری
ایسٹرن سرکل: 528 نادہندگان سے 7 کروڑ 93 لاکھ 20 ہزار کی ریکوری
اوکاڑہ سرکل: 512 نادہندگان سے 85 لاکھ روپے کی ریکوری
سدرن سرکل: 63 نادہندگان سے 35 لاکھ روپے کی ریکوری
شیخوپورہ سرکل: 424 نادہندگان سے 96 لاکھ 40 ہزار روپے کی ریکوری
قصور سرکل: 3543 نادہندگان سے 9 کروڑ 33 لاکھ 40 ہزار روپے کی ریکوری
ننکانہ سرکل: 391 نادہندگان سے 1 کروڑ 2 لاکھ 20 ہزار روپے کی ریکوری

یہ بھی پڑھیں: رونالڈو کے سعودی کلب کے ساتھ معاہدے کی آخری تاریخ 30 جون، مستقبل کیا ہوگا؟

کارروائی کی حمایت

یہ مؤثر کارروائیاں لیسکو کی ٹیموں نے پولیس، رینجرز اور ضلعی انتظامیہ پر مشتمل ڈسکوز سپورٹ یونٹ کی مدد سے انجام دیں۔

چیف ایگزیکٹو کا بیان

چیف ایگزیکٹو لیسکو انجینئر محمد رمضان بٹ کا کہنا ہے کہ نادہندگان کے خلاف بلا تفریق کارروائیاں ہماری پالیسی کا حصہ ہیں کیونکہ ادارے کی مالی خودمختاری اور صارفین کو بجلی کی بلا تعطل فراہمی ہمارے اہداف کا حصہ ہیں۔