27ویں آئینی ترمیم کا بل سینیٹ میں پیش، اپوزیشن کا احتجاج، شورشرابا

27ویں آئینی ترمیم کا بل سینیٹ میں پیش

اسلام آباد (ڈیلی پاکستان آن لائن) 27ویں آئینی ترمیم کا بل سینیٹ میں پیش کردیا گیا۔ یہ مسودہ وزیر قانون اعظم نذیر تارڑ نے پیش کیا، اور 27ویں ترمیم کا مسودہ پارلیمانی کمیٹی کے سپرد کردیا گیا۔

یہ بھی پڑھیں: جناح ہاؤس حملہ کیس؛ علیمہ خان کے بیٹے شیر شاہ کی ضمانت منظور

سینیٹ کے اجلاس میں اپوزیشن کا احتجاج

نجی ٹی وی چینل دنیا نیوز کے مطابق، چیئرمین یوسف رضا گیلانی کی زیرصدارت سینیٹ کا اجلاس جاری ہے۔ 27ویں ترمیم کا مسودہ پیش کیے جانے پر اپوزیشن نے سینیٹ میں احتجاج اور شور شرابہ کیا۔

سینیٹر علی ظفر کا بیان

سینیٹر علی ظفر نے کہا کہ حکومت کو بل منظور کرانے کی جلدی ہے، جبکہ اپوزیشن لیڈر کی نشست خالی ہے۔ انہوں نے ناصر عباس کو اپوزیشن لیڈر تصور کرنے کی درخواست کی۔ انھوں نے مزید کہا کہ 27ویں ترمیم پر ایوان میں بحث ہونی چاہیے، کیونکہ مسودہ ابھی ملا ہے اور ایک لفظ بھی تاحال نہیں پڑھا۔