پنجاب میں سموگ کا روگ برقرار، شہر لاہور کی فضا آج بھی آلودہ

پنجاب میں سموگ کی صورتحال

لاہور(ڈیلی پاکستان آن لائن) پنجاب میں سموگ کا روگ برقرار ہے، باغوں کے شہر کی فضا آج بھی آلودہ ہے۔

یہ بھی پڑھیں: سوات میں زلزلے کے جھٹکے، لوگوں میں خوف و ہراس پھیل گیا

ایئر کوالٹی انڈیکس کی تشویشناک صورت حال

نجی ٹی وی چینل دنیا نیوز کے مطابق لاہور کے مختلف علاقوں میں ایئر کوالٹی انڈیکس خطرناک حد تک بڑھ گیا، مجموعی شرح 275 ریکارڈ کی گئی ہے۔

راوی روڈ پر آلودگی کی شرح 302، لوئر مال 515، اقبال ٹاؤن 517، ساندہ روڈ 497، ایف سی کالج میں 466 اور صدر کینٹ میں 437 ریکارڈ کی گئی، اس کے علاوہ فیصل آباد میں اے کیو آئی 410 اور ملتان میں 367 تک جا پہنچا ہے۔

یہ بھی پڑھیں: امریکہ کا اسرائیل، ایران حملوں کے تناظر میں بڑی تعداد میں ایئر ریفیولنگ ٹینکر طیارے منتقل کرنے کا فیصلہ

ماہرین کی ہدایت

ماہرین ماحولیات کا کہنا ہے کہ مسلسل بڑھتی آلودگی شہریوں کے لئے شدید خطرہ بن چکی ہے، انہوں نے شہریوں کو ہدایت کی ہے کہ وہ غیر ضروری سفر سے گریز کریں، ماسک کا استعمال یقینی بنائیں اور صبح کے اوقات میں کھلی فضا میں سرگرمیوں سے پرہیز کریں۔

یہ بھی پڑھیں: بالی ووڈ کی دو بڑی آئٹم گرلز میں ‘جنگ’ کا خطرہ، راکھی ساونت نے اروشی روٹیلا پر ‘حملہ’ کردیا

گرینڈ آپریشن کی تفصیلات

دوسری جانب سموگ و ماحولیاتی آلودگی کی روک تھام کیلئے گرینڈ آپریشن جاری ہے۔

محکمہ ٹرانسپورٹ اینڈ ماس ٹرانزٹ دھواں چھوڑتی گاڑیوں کے خلاف چوبیس گھنٹے متحرک ہے، نومبر کے پہلے ہفتے میں خلاف ورزی کرنے والے ٹرانسپورٹرز کیخلاف کارروائیوں پر رپورٹ جاری کر دی گئی ہے۔

یہ بھی پڑھیں: اسلام آباد ایئرپورٹ پر مسافر سے تقریباً ڈیڑھ کلو آئس برآمد، کہاں چھپا رکھی تھی؟ جانئے

گاڑیوں کی جانچ و کارروائیاں

رپورٹ کے مطابق یکم تا 8 نومبر تک لاہور میں 4184 گاڑیوں کا معائنہ کیا گیا، بغیر فٹنس سرٹیفکیٹ و دھواں چھوڑنے والی 877 گاڑیوں کے چالان اور 288 گاڑیاں بند کی گئیں، جبکہ گڈز ٹرانسپورٹ میں اوورلوڈنگ کرنے پر 671 گاڑیوں کے چالان کئے گئے، مجموعی طور پر 80 لاکھ روپے کے جرمانے عائد ہوئے۔