Important News for Students: End of Numbers and Positions, New Grading Policy Approved

اہم خبر: نیا گریڈنگ سسٹم

اسلام آباد (نیوز ڈیسک) طلباء کیلیے اہم خبر، فیڈرل بورڈ آف انٹرمیڈیٹ اینڈ سکینڈری ایجوکیشن اسلام آباد نے نئے گریڈنگ سسٹم اور پاس پرسنٹیج پالیسی کی منظوری کا باقاعدہ نوٹیفکیشن جاری کردیا ہے۔ اس طرح فیڈرل بورڈ ملک کا پہلا بورڈ ہوگیا ہے جس نے اس پالیسی کی منظوری دی ہے۔ نئے نظام کے تحت اب طلبہ کو نمبروں کے بجائے گریڈز دیئے جائیں گے اور پہلی، دوسری اور تیسری پوزیشنز ختم کردی جائیں گی۔

یہ بھی پڑھیں: قونصل خانے پر حملہ: دلی کی دیپلوماسی کی شرمندگی اور ڈھاکہ کا غصہ، بنگلہ دیش اور بھارت کے درمیان نیا تنازع کیا ہے؟

دیگر صوبوں کی صورتحال

"جنگ" کے مطابق صوبہ سندھ، پنجاب، خیبرپختونخوا اور بلوچستان کے تعلیمی بورڈز تاحال نئی گریڈنگ پالیسی کی منظوری نہیں دے سکے ہیں۔ یہ نئی گریڈنگ پالیسی 2025 سے نافذ العمل ہونی ہے۔ ڈاکٹر ناصر انصار، جو کہ ضیاالدین یونیورسٹی امتحانی بورڈ کے ایگزیکٹو ڈائریکٹر ہیں، نے کہا کہ نجی بورڈ ہونے کے ناطے ہمارا بورڈ نئے گریڈنگ پالیسی کی مکمل تیاری کرچکا ہے اور ہم 2025 سے نویں جماعت اور گیارہویں جماعت کے امتحانات لینے کے لیے تیار ہیں۔

یہ بھی پڑھیں: شام کے بعد اسرائیل نے ایک اور مسلمان ملک پر حملہ کردیا

نئی گریڈنگ پالیسی کا فارمولا

آئی بی سی سی نے نئی گریڈنگ پالیسی کا جو فارمولا طے کیا ہے، اس کے مطابق:
- 95 یا زائد نمبر کو A غیر معمولی گریڈ دیا جائے گا۔
- 90 نمبر کو شاندار A دیا جائے گا۔
- 85 نمبر کو بہترین A دیا جائے گا۔
- 80 نمبر کو بہت اچھا B دیا جائے گا۔
- 75 کو اچھا B گریڈ دیا جائے گا۔
- 70 کو مناسب اچھا B دیا جائے گا۔
- 60 کو اوسط سے اوپر C دیا جائے گا۔
- 50 کو اوسط D گریڈ دیا جائے گا۔
- 40 تا 49 نمبر کو اوسط سے نیچے E گریڈ دیا جائے گا۔
- 40 سے کم نمبر والوں کو غیر تسلی بخش F گریڈ دیا جائے گا۔

سندھ کی جانب سے بھی نئی گریڈنگ پالیسی

سندھ کے سیکریٹری بورڈز و جامعات، عباس بلوچ نے کہا ہے کہ سندھ بھی نئی گریڈنگ پالیسی کی منظوری دے رہا ہے اور 2 دن کے اندر اس کا باقاعدہ نوٹیفکیشن جاری کیا جائے گا۔ اس کا اطلاق سندھ کے تمام تعلیمی بورڈز پر ہوگا اور وہ 2025 سے نویں اور گیارہویں جماعت کے امتحانات نئی گریڈنگ پالیسی کے مطابق لیں گے۔