ثنا جاوید کے سابق شوہر عمیر جیسوال نے دوسری شادی کر لی

عمیر جیسوال کی نئی شادیاں

لاہور(ڈیلی پاکستان آن لائن) شعیب ملک کی دوسری بیوی ثنا جاوید کے سابق شوہر عمیر جیسوال نے بھی دوسری شادی کر لی۔

تفصیلات

تفصیلات کے مطابق عمیر جسوال نے انسٹاگرام پر دلہا بنے اپنی تصویر پوسٹ کی اور ساتھ ہی کیپشن میں 'الحمداللہ' لکھا۔ انہوں نے قرآن شریف کی ایک آیت بھی لکھی جس کا مفہوم ہے کہ 'آپ کا رب عنقریب آپ کو اتنا کچھ عطا فرمائے گا کہ آپ راضی ہو جائیں گے'۔ گلوکار عمیر نے دوسری شادی کس کے ساتھ کی ہے، اس حوالے سے تفصیلات سامنے نہیں آئیں۔ ان کی اس پوسٹ پر دوستوں اور مداحوں کی جانب سے مبارکباد دی جا رہی ہے۔

پہلی شادی اور علیحدگی

واضح رہے کہ گلوکار عمیر جسوال کی پہلی شادی اداکارہ ثنا جاوید سے ہوئی تھی۔ دونوں کا نکاح اکتوبر 2020 میں ہوا تھا، مگر گزشتہ سال دونوں کے درمیان علیحدگی کی افواہیں گرم ہوئیں جب انہوں نے اپنے انسٹاگرام پروفائلز سے نکاح کی تصاویر ڈیلیٹ کر دیں۔ اس کے بعد رواں سال جنوری میں عمیر اور ثنا کی علیحدگی کی تصدیق اُس وقت ہوئی جب ثنا کی پاکستان کرکٹ ٹیم کے سٹار آل راؤنڈر شعیب ملک کے ساتھ شادی کی خبر سامنے آئی۔