پاکستان کی سری لنکا کے خلاف کلین سویپ پر چیئرمین پی سی بی محسن نقوی کی مبارکباد

قومی ٹیم کی شاندار فتح

اسلام آباد (ڈیلی پاکستان آن لائن) پاکستان کرکٹ بورڈ کے چیئرمین محسن نقوی نے سری لنکا کے خلاف ون ڈے سیریز میں شاندار کلین سویپ پر قومی کھلاڑیوں کو مبارکباد دی ہے۔ اپنے بیان میں انہوں نے کہا کہ ٹی ٹوئنٹی سیریز جیتنے کے بعد ون ڈے سیریز میں بھی لگاتار فتوحات قابلِ فخر ہیں۔

یہ بھی پڑھیں: قرآن میرے سرہانے رہتا ہے، روحانی سکون کا ذریعہ ہے: ہالی ووڈ اداکار کا انکشاف

کھلاڑیوں کی محنت کا اعتراف

محسن نقوی کا کہنا تھا کہ کھلاڑیوں، کوچز اور مینجمنٹ نے لگن اور محنت سے بہترین کارکردگی دکھائی ہے، جس پر پوری قوم کو فخر ہے۔ انہوں نے شائقینِ کرکٹ سے اپیل کی کہ وہ قومی ٹیم پر بھروسہ رکھیں کیونکہ یہ لڑکے ملک کے لیے دل و جان سے کھیل رہے ہیں۔

یہ بھی پڑھیں: دوسروں کے کہنے پر کسی بھی چیز کو پسند یا ناپسند مت کیجیے، اپنے بدن کو پسندکرنے، اس کی حفاظت اور نگہداشت کا عزم کیجیے اور اپنے لیے قابل قدرقرار دیجیے

حارث رؤف کی کامیابی

چیئرمین پی سی بی نے فاسٹ بولر حارث رؤف کو سیریز کے بہترین کھلاڑی قرار دیے جانے پر خصوصی مبارکباد بھی پیش کی اور کہا کہ ان کی شاندار بولنگ نے سیریز میں نمایاں کردار ادا کیا۔