فیصل آباد: کیمیکل فیکٹری میں بوائلر پھٹنے سے جاں بحق افراد کی تعداد 10 ہوگئی

فیصل آباد: کیمیکل فیکٹری میں بوائلر دھماکا

فیصل آباد (ڈیلی پاکستان آن لائن) علاقے ملک پور میں کیمیکل فیکٹری میں بوائلر پھٹنے سے 10 افراد جاں بحق اور 10 زخمی ہو گئے۔

یہ بھی پڑھیں: میں اپنی پرانی ٹک ٹاک ویڈیوز دیکھنا بھی پسند نہیں کرتی ” جنت مرزا کا انکشاف

دھماکے کے اثرات

بوائلر دھماکے سے فیکٹری میں آگ لگ گئی۔ دھماکا اس قدر زور دار تھا کہ فیکٹری زمین بوس ہو گئی اور ملحقہ مکانوں کی چھتیں گر گئیں۔

یہ بھی پڑھیں: چیف آف جنرل سٹاف محمد اویس دستگیر کی پیپلز لبریشن آرمی کے کمانڈر سے بیجنگ میں ملاقات

امدادی کارروائیاں

ریسکیو حکام کا کہنا ہے کہ امدادی کارروائیاں شروع کر دی گئی ہیں۔ اب تک 9 افراد کی لاشیں نکالی جا چکی ہیں جبکہ ایک زخمی اسپتال میں دم توڑ گیا۔ 10 افراد کو زخمی حالت میں نکال کر اسپتال منتقل کر دیا گیا ہے۔

یہ بھی پڑھیں: صوبائی وزراء سہیل شوکت بٹ اور چوہدری شافع حسین کا دورۂ گجرات، سیلاب متاثرین میں امدادی سامان تقسیم کیا

جائے وقوعہ کی صورتحال

ریسکیو حکام کے مطابق جائے وقوعہ سے ملبہ ہٹایا جا رہا ہے۔ فیکٹری اور گھروں کے ملبے تلے مزید افراد کے دبے ہونے کا خدشہ ہے۔

حکام کی نگرانی

ڈپٹی کمشنر فیصل آباد ندیم ناصر امدادی کاموں کی نگرانی کر رہے ہیں۔