الیکشن خلاف ورزی، طلال چودھری پر جرمانہ، اویس لغاری کو نوٹس

الیکشن قوانین کی خلاف ورزی پر طلال چودھری پر جرمانہ

لاہور(ڈیلی پاکستان آن لائن) وزیر مملکت برائے داخلہ طلال چودھری پر الیکشن قوانین کی خلاف ورزی پر 50 ہزار روپے جرمانہ عائد کردیا گیا۔

یہ بھی پڑھیں: اپوزیشن اچکزئی کو چنتی ہے تو نام دے، اس کے بعد سپیکر کی صوابدید ہے: خواجہ آصف

ڈسٹرکٹ مانیٹرنگ آفیسر کا مراسلہ

نجی ٹی وی چینل دنیا نیوز کے مطابق، ڈسٹرکٹ مانیٹرنگ آفیسر فیصل آباد نے سیکرٹری الیکشن کمیشن کو مراسلہ ارسال کردیا جس میں کہا گیا کہ طلال چودھری کی جانب سے ضابطہ اخلاق کی مسلسل خلاف ورزی کی جا رہی ہے۔ انہیں فون پر آگاہ کیا گیا کہ وہ ضابطہ اخلاق کی خلاف ورزی کر رہے ہیں۔

یہ بھی پڑھیں: ٹماٹر کی قیمتوں میں ہوشربا اضافہ، فی کلو 500 روپے تک بکنے لگے

نوٹسز اور جرمانہ

مراسلہ میں کہا گیا کہ 2 نوٹسز کے باوجود طلال چودھری نے ضابطہ اخلاق کی پاسداری نہیں کی، جس کے بعد ان پر 50 ہزار روپے جرمانہ عائد کردیا گیا۔

یہ بھی پڑھیں: ضمنی انتخاب میں جیت ،عوام نے انتشار کی بجائے ترقی و خوشحالی کے حق میں فیصلہ سنادیا: وزیرِاعظم

تحقیقات کے لئے کارروائی

ڈسٹرکٹ مانیٹرنگ آفیسر نے کہا کہ معاملہ مزید کارروائی کے لیے الیکشن کمیشن ارسال کر رہے ہیں۔

یہ بھی پڑھیں: ایران میں مظاہروں کے دوران جھڑپوں میں 35 افراد ہلاک ہو گئے

اوئس لغاری پر نوٹس

دوسری طرف، ڈسٹرکٹ مانیٹرنگ افسر ڈی جی خان نے این اے 185 میں امیدوار محمود لغاری کی الیکشن مہم میں شرکت پر وفاقی وزیر اویس لغاری کو نوٹس جاری کردیا۔

یہ بھی پڑھیں: پنجاب حکومت کے نئےمقامی حکومتوں کے قانون کے مطابق منتخب لوگ اس قابل ہی نہیں کہ اپنے فیصلے کر سکیں، فواد چودھری

ہدایات کی خلاف ورزی

ڈسٹرکٹ مانیٹرنگ افسر کا کہنا ہے کہ بطور وفاقی وزیر الیکشن مہم میں حصہ لے کر اویس لغاری نے ہدایات کی خلاف ورزی کی ہے، اویس لغاری ضابطہ اخلاق کی خلاف ورزی پر پیش ہو کر اپنی پوزیشن واضح کریں۔

یہ بھی پڑھیں: وزیراعلیٰ مریم نواز کا سینئر اداکارہ عائشہ خان کے انتقال پر اظہار افسوس

الیکشن کمیشن کا ردعمل

ترجمان الیکشن کمشنر پنجاب نے اپنے ردعمل میں کہا ہے کہ دونوں کو 21 نومبر کو وضاحت پیش کرنے کی ہدایت کی ہے، کسی وزیر یا مشیر کو انتخابی مہم چلانے کی اجازت نہیں ہے۔