راولپنڈی میں زیادتی کے درجنوں مقدمات میں مطلوب ملزم اپنے انجام کو پہنچ گیا

راولپنڈی میں بچوں کے ساتھ زیادتی کے ملزم کی ہلاکت

راولپنڈی (ڈیلی پاکستان آن لائن) بچوں اور بچیوں کے ساتھ زیادتی کے درجنوں مقدمات میں مطلوب ملزم اپنے عبرتناک انجام  کو پہنچ گیا۔ تھانہ امرال کے علاقے میں پولیس کےساتھ فائرنگ کے تبادلے میں ملزم محمد عباس ہلاک جبکہ 2 ساتھی فرار ہو گئے۔

ملزم کے خلاف مقدمات

مقابلے میں ہلاک ملزم معصوم بچی کے اغوا کے مقدمے میں رتہ امرال پولیس کو مطلوب تھا۔ اس کے علاوہ ملزم راولپنڈی اور لاہور میں بچوں و بچیوں کے اغوا اور زیادتی کے مقدمات میں بھی ریکارڈ یافتہ تھا، جس کے خلاف بچوں سے زیادتی کے درجنوں غیر رپورٹ شدہ واقعات کی بھی اطلاعات تھیں۔

پولیس کارروائی

پولیس کے مطابق ملزم کی موجودگی کی اطلاع پر چھاپا مارا گیا تو ملزمان نے فائرنگ شروع کر دی اور اس دوران ایک گولی محمد اویس سب انسپکٹر کو بھی لگی جو بلٹ پروف جیکٹ کی وجہ سے محفوظ رہے جب کہ جوابی فائرنگ میں زخمی ہونے والے ملزم کو اسپتال منتقل کیا گیا، جہاں وہ جانبر نہ ہو سکا۔