پنجاب میں سالانہ کروڑوں کمانے والے بیوٹی کلینکس کی بڑی تعداد ٹیکس نادہندہ ہونے کا انکشاف

پنجاب میں بیوٹی کلینکس کی ٹیکس نادہندگی

لاہور (ڈیلی پاکستان آن لائن) پنجاب میں سالانہ کروڑوں کمانے والی بیوٹی کلینکس کی بڑی تعداد ٹیکس نادہندہ ہونے کا انکشاف ہوا۔

یہ بھی پڑھیں: لاہور میں پالتو شیر نے بچے کا بازو چبا لیا

اجلاس میں فیصلے

چیئرمین پنجاب ریونیو اتھارٹی معظم اقبال کی زیرصدارت اجلاس میں بیوٹی کلینکس کو ٹیکس نیٹ میں لانے کیلئے سروے ٹیموں کو مزید فعال کرنے کا فیصلہ کرلیا۔ تمام ڈویژنل کمشنرز کو دسمبر تک سروے اور رجسٹریشن مکمل کرنے کی ہدایت کردی گئی۔

یہ بھی پڑھیں: ٹیکس وصولیوں کے دباؤ اور مالی ہدف کے حصول کی دوڑ، ہفتہ کی چھٹی ختم کر دی گئی

بیوٹی کلینکس کی مالی صورتحال

ترجمان کا کہنا ہے کہ بیوٹی کلینکس سالانہ کروڑوں روپے کمانے کے باوجود سرکاری خزانے میں ٹیکس ادا نہیں کر رہے۔ سروے کے دوران بیوٹی کلینکس کی باقاعدہ رجسٹریشن اور ای آئی ایم سسٹم سے منسلک کیا جائے گا۔

یہ بھی پڑھیں: نواک جوکووچ کا پروفیشنل ٹینس پلیئرز ایسوسی ایشن سے الگ ہونے کا اعلان

افسران کی تعیناتی اور ڈیجیٹل مانیٹرنگ

افسران کی قلت پر قابو پانے کیلئے مزید انفورسمنٹ افسران کو فیلڈ میں تعینات کیا جا رہا ہے۔ افسران و عملے کی کارکردگی اور ڈیجیٹل مانیٹرنگ بارے بھی خصوصی سیل کو توسیع دی جائے گی۔ ٹیکس ادائیگی میں تاخیر یا جمع نہ کروانے والے آپریٹرز کی بھی ڈیجیٹل مانیٹرنگ ہوگی۔