خدمت اور ترقی کا نیا عہد شروع ہوچکا

وزیر اعلیٰ پنجاب کی کامیابی پر اظہار تشکر

لاہور (ڈیلی پاکستان آن لائن) وزیر اعلیٰ پنجاب مریم نواز نے ضمنی الیکشن میں پاکستان مسلم لیگ (ن) کی شاندار کامیابی پر اظہار تشکر کیا ہے۔

یہ بھی پڑھیں: جموں و کشمیر پر بھارت کے غیرقانونی قبضے کو 78 برس مکمل، دنیا بھر میں آج یوم سیاہ

کامیاب ارکان کو مبارکباد

وزیر اعلیٰ نے ضمنی انتخابات میں کامیاب ارکان قومی و صوبائی اسمبلی کو مبارکباد دی اور نیک تمناؤں کا اظہار کیا۔ وزیراعلیٰ مریم نواز نے کہا کہ پاکستان کی خدمت کرنے والوں کو پاکستان کے عوام نے پھر سے سرخرو کیا۔ نفرت، فتنہ اور فساد کا باب ختم، خدمت اور ترقی کا نیا عہد شروع ہوچکا ہے۔

یہ بھی پڑھیں: سندھ کی ثقافت منفرد اور تنوع سے مالا مال ہے،وزیر اعلیٰ پنجاب مریم نواز کا پیغام

عوام کی ترجیحات میں تبدیلی

وقت بدل گیا ہے، عوامی ترجیح بدل گئی ہے، پاکستان آگے بڑھ چکا ہے، اب خدمت کو مینڈیٹ ملے گا۔

مسلم لیگ (ن) کی جیت کا پیغام

وزیراعلیٰ مریم نواز نے کہا کہ مسلم لیگ (ن) کی واضح جیت دراصل عوام کی جانب سے ترقی کے سفر کو مزید تیز کرنے کا پیغام ہے۔ عوام کا دو ٹوک فیصلہ ہی جیت کے راستے پر چلے گا؛ وہی ووٹ لے گا۔ بیلٹ باکس سے بھی پیغام ہے کہ پاکستان کو فتنہ فساد نہیں، شاندار مستقبل چاہیے۔