چلغوزے کی قیمت میں پچاس سے ساٹھ فیصد تک کمی ریکارڈ

چلغوزے کی قیمتوں میں کمی

کوئٹہ(ڈیلی پاکستان آن لائن)رواں برس چلغوزے کی قیمت میں پچاس سے ساٹھ فیصد تک کمی ریکارڈ کی گئی ہے۔

یہ بھی پڑھیں: پنجاب ویمن پروٹیکشن اتھارٹی ہیلپ لائن خواتین کے لیے محفوظ سہارا ہے، حنا پرویز بٹ

نئی قیمتیں

نجی ٹی وی سما نیوز کے مطابق ایک کلو چلغوزے کی قیمت 15 سے 18 ہزار روپے کلو تک تھی، مگر رواں برس چلغوزے کی قیمت 6 سے 9 ہزار روپے فی کلو تک ہے۔ بلوچستان کے ضلع ژوب اور شیرانی میں اس سال چلغوزہ 3 سے 5 ہزار کا بھی فروخت ہوا۔

یہ بھی پڑھیں: وزیر خزانہ پنجاب کی معروف بین الاقوامی ترقیاتی ماہر مارک میک کارڈ کی قیادت میں امریکی وفد سے ملاقات

وجوہات

بلوچستان کے کاشتکار اور تاجروں کا کہنا ہے کہ پاک افغان سرحد کی بندش اور بارشوں کی قلت کو قیمتوں میں کمی کی بڑی وجہ قرار دے رہے ہیں۔ تاجروں کا کہنا ہے کہ چلغوزہ سستا ہونے کی وجہ کوئی بھی ہو، مگر شہری اس موقع کا بھرپور فائدہ اٹھا رہے ہیں۔

ماہرین کی رائے

ماہرین کے مطابق، چلغوزہ اگر کولڈ سٹوریج میں نہ رکھا جائے تو اس کا وزن کم ہوتا ہے، اور بلوچستان میں کولڈ سٹوریج کی سہولت نہ ہونے کی وجہ سے تاجر مجبوراً کم قیمت پر چلغوزہ فروخت کرنے پر مجبور ہیں۔