لاہور میں چالان جمع نہ کروانے والی گاڑیوں کیخلاف کریک ڈاؤن شروع، کس کس کی گاڑی پکڑی گئی ؟ جانیے

کریک ڈاؤن کا آغاز

لاہور( ڈیلی پاکستان آن لائن ) لاہور میں چالان جمع نہ کروانے والی گاڑیوں کے خلاف کریک ڈاؤن شروع کردیا گیا۔

یہ بھی پڑھیں: شفع جان نے تو اپنے بیان پر معافی مانگ لی، اب دیکھنا یہ ہے عظمیٰ بخاری پٹھانوں اور پشتونوں کو جنگلی کہنے پر کب معافی مانگتی ہیں، شوکت بسرا

سرکاری گاڑیوں کی پکڑ

’’جیو نیوز‘‘ کے مطابق چیف ٹریفک آفیسر (سی ٹی او) لاہور اطہر وحید نے بتایا کہ چالان جمع نہ کرانے پر ایڈیشنل سیشن جج سمیت متعدد سرکاری گاڑیاں پکڑی گئیں اور تمام گاڑیوں کو ای چالان جمع نہ کرنے پر روکا گیا۔

یہ بھی پڑھیں: افغانستان میں 6.2 شدت کے زلزلے نے تباہی مچا دی، 250 افراد جاں بحق، 500 سے زائد زخمی

چالان کی تفصیلات

ایڈیشنل سیشن جج کی گاڑی کے 9 چالان تھے، جن کا 4300 جرمانہ جمع کروانے کے بعد گاڑی کو چھوڑا گیا۔ محکمہ داخلہ کے سیکشن آفیسر کے ذمہ 7 چالان تھے۔ اس کے علاوہ سرکاری بینک کی گاڑی کو 10 اور لیسکو کی گاڑی کو 14 چالان پر پکڑا گیا۔ اوور سیز کے ڈائریکٹر اور سائبر کرائم کی گاڑیوں کو بھی پکڑ لیا گیا۔

چالان کی ادائیگی

سی ٹی او کا کہنا تھا کہ پکڑی جانے والی تمام گاڑیوں کو چالان کی ادائیگیوں کے بعد چھوڑا گیا۔