قومی اسمبلی کی سب کمیٹی برائے دفاع نے کارریج بائے ایئر ایکٹ ترمیمی بل 2025ء کی منظوری دے دی

قومی اسمبلی کی سب کمیٹی کا اہم فیصلہ

اسلام آباد (ویب ڈیسک) قومی اسمبلی کی سب کمیٹی برائے دفاع نے Carriage By Air Act ترمیمی بل 2025ء کی منظوری دی جس کے تحت ہوائی جہاز کے ذریعے بین الاقوامی سفر کے دوران حادثاتی موت پر مسافر کے ورثا کو 6 کروڑ روپے، اندرون ملک سفر کے دوران موت پر 2 کروڑ روپے، اور سامان گم ہونے کی صورت میں ایک بیگ کا 6 لاکھ روپے ادا کیے جائیں گے۔

یہ بھی پڑھیں: ایڈمرل نوید اشرف کی نیدرلینڈز کی اعلیٰ عسکری قیادت سے ملاقاتیں

سب کمیٹی کا دورہ اور مسائل کا جائزہ

ذیلی کمیٹی دفاع نے کینوپ کے قرب و جوار کے مکینوں کو درپیش مسائل سے آگاہی حاصل کرنے کے لیے دورہ کرنے کا فیصلہ کیا۔ اجلاس نے ایم این اے محمد معین عامر پیرزادہ کے پی آئی اے فلائٹ کے متاثرین کو لائف انشورنس اور پراپرٹی معاوضے کی ادائیگی پر بھی غور کیا۔

یہ بھی پڑھیں: پیپلز پارٹی کے انٹراپارٹی انتخابات درست قرار، سرٹیفکیٹ جاری

ادائیگی کی تفصیلات

پی آئی اے حکام نے بتایا کہ مذکورہ خاتون رشنا عنصر کے حوالے سے ادائیگی کی جا چکی ہے۔ سب کمیٹی اجلاس میں کیرج بائی ایئر ترمیمی بل 2025 پر تفصیلی غور کیا گیا۔

بل کی اہم شقیں

وزارت دفاع کے لیگل ایڈوائزر نے بتایا کہ بل میں تجویز کیا گیا ہے کہ اگر بین الاقوامی سفر کے دوران حادثے میں مسافر کی موت واقع ہوتی ہے تو اس کی فیملی کو 6 کروڑ روپے ملیں گے۔ سامان گم ہونے کی صورت میں ایک بیگ پر 6 لاکھ روپے ایئر لائن ادا کرے گی۔

انہوں نے مزید وضاحت کی کہ اندرون ملک سفر کے دوران مسافر کی حادثاتی موت پر لواحقین کو 2 کروڑ روپے ملیں گے، اور دوران سفر سامان گم یا نقصان ہونے پر 5 ہزار فی کلوگرام کارگو پر معاوضہ دیا جائے گا۔ دفاع کی سب کمیٹی نے کیرج بائے ایئر ترمیمی بل 2025 کی منظوری دے دی۔