جامعہ پنجاب اور حکومتِ پنجاب کے اشتراک سے انتہا پسندی کے تدارک پر اہم اجلاس
اہم اجلاس کی تفصیلات
لاہور(ڈیلی پاکستان آن لائن) پنجاب یونیورسٹی کے مرکزِ ترقیِ تہذیب و دیانت (CCID) اور پنجاب حکومت کے قائم کردہ سینٹر آف ایکسی لنس آن کاؤنٹر وائلنٹ ایکسٹریم ازم (CoE-CVE) کے باہمی اشتراک سے ایک اہم اجلاس منعقد ہوا، جس میں جامعہ پنجاب کے اساتذہ، ماہرینِ سماجیات اور حکومتِ پنجاب کے نمائندگان نے شرکت کی۔
یہ بھی پڑھیں: تھائی لینڈ کی حسینہ نے مس ورلڈ کا تاج اپنے سر پر سجا لیا
اجلاس کا آغاز
اجلاس کے آغاز میں مرکزِ ترقیِ تہذیب و دیانت کے ڈائریکٹر اور فوکل پرسن نے مرکز کے وژن، اس کے قیام کی غرض و غایت اور معاشرے میں دیانت، تہذیب اور مہذب اخلاق کی ترویج کی اہمیت پر روشنی ڈالی۔ انہوں نے اس بات پر زور دیا کہ تعلیمی اداروں میں اخلاقی تربیت اور سماجی ہم آہنگی کے فروغ کے ذریعے انتہا پسندی کے رجحانات کی روک تھام ممکن ہے۔
یہ بھی پڑھیں: بھارت اور بنگلہ دیش نے ایک دوسرے پر تجارتی پابندیاں عائد کر دیں
پالیسی پر بریفنگ
بعد ازاں ڈپٹی کوآرڈینیٹنگ آفیسر CoE-CVE، جناب ڈاکٹر احمد خاور شہزاد نے پنجاب حکومت کے قائم کردہ سینٹر کے اغراض و مقاصد، قومی پالیسی برائے انسدادِ انتہا پسندی، اور صوبائی حکومت کی جانب سے تشدد اور انتہا پسندی کے خاتمے کے لیے تیار کردہ جامع حکمتِ عملی پر تفصیلی بریفنگ دی۔ انہوں نے پالیسی کی تشکیل، عمل درآمد کے مراحل، اور بین الادارہ جاتی تعاون کے طریقہ کار سے متعلق شرکاء کو آگاہ کیا۔
یہ بھی پڑھیں: جمائما اپنے قریبی دوستوں کو بتارہی ہے کہ علیمہ خان میرے بچوں کو بہکارہہی ہے: نصرت جاوید کا دعویٰ
شرکاء کے خیالات
اجلاس کے دوران شرکاء نے مستقبل قریب میں پالیسی کے نفاذ، تعلیمی نصاب میں اس کی شمولیت، تعلیمی اداروں، پرنٹ و الیکٹرانک میڈیا، سرکاری و نجی تنظیموں کی شمولیت، اور پالیسی کے نتائج و اثرات کے حوالے سے مفصل تبادلۂ خیال کیا۔ اس کے علاوہ پالیسی کی نظرِ ثانی کے مختلف مراحل کا بھی جائزہ لیا گیا۔
یہ بھی پڑھیں: سیاح گھنٹوں قطار بنائے منتظر رہتے تھے، میں نے ذہنی طور پر اپنے آپ کو تھکا دینے والے سفر کیلئے تیار کر لیا تھا، کب آنکھ لگی پتہ ہی نہیں چلا
حکومت کا عزم
اجلاس کے اختتام پر اس امر کا اعادہ کیا گیا کہ حکومتِ پنجاب مرحلہ وار معاشرے سے عدم برداشت کے خاتمے اور انتہا پسندی کے رجحانات کے تدارک کے لیے اپنی کوششیں جاری رکھے گی۔
سیمینار کی منصوبہ بندی
اجلاس میں یہ فیصلہ بھی کیا گیا کہ 5 دسمبر 2025 کو جامعہ پنجاب کے الرازی ہال میں "انتہا پسندی کا تدارک اور تہذیب و دیانت کا فروغ" کے عنوان سے ایک سیمینار منعقد کیا جائے گا۔ سیمینار کی صدارت رئیس الجامعہ پروفیسر ڈاکٹر محمد علی کریں گے، جبکہ صوبائی وزیر برائے خصوصی صحت و طبی تعلیم مہمانِ خصوصی ہوں گے۔ صوبائی سیکرٹری داخلہ، احمد جاوید قاضی خصوصی مقرر کے طور پر خطاب کریں گے۔
