یو ایم ٹی میں پہلے ’’کلین ایئر سمٹ 2025” کا انعقاد، سینئر صوبائی وزیر مریم اورنگزیب کی بطور مہمانِ خصوصی شرکت

کلین ایئر سمٹ 2025 کا انعقاد

لاہور (ڈیلی پاکستان آن لائن) یونیورسٹی آف مینجمنٹ اینڈ ٹیکنالوجی (یو ایم ٹی) میں آج پہلا ’’کلین ایئر سمٹ 2025‘‘ ہوا جس میں ماحولیاتی آلودگی اور سموگ کے خاتمے کے لیے جامع لائحہ عمل پر تفصیلی گفتگو کی گئی۔

یہ بھی پڑھیں: حارث رؤف آئی سی سی مینز پلیئر آف دی منتھ قرار

خصوصی مہمان اور صدارت

سمٹ کی مہمانِ خصوصی سینئر صوبائی وزیر مریم اورنگزیب تھیں جبکہ یو ایم ٹی کے صدر و سابق صوبائی وزیر ابراہیم حسن مراد نے بھی خصوصی طور پر شرکت کی اور سمٹ کی صدارت کی۔

یہ بھی پڑھیں: عالمی طوفان کی جعلی پیش گوئی، گھانا میں نبوت کا جھوٹا دعویٰ کرنے والا گرفتار

ابراہیم حسن مراد کا خطاب

اپنے خطاب میں ابراہیم حسن مراد نے پنجاب حکومت کی کلین ایئر پالیسی اور سموگ سے نمٹنے کے اقدامات کو خراجِ تحسین پیش کیا اور کہا کہ ماحولیاتی آلودگی کے خاتمے کے لیے تمام سٹیک ہولڈرز کو مل کر کام کرنا ہوگا۔ انہوں نے زور دیا کہ "صاف ہوا عوامی صحت اور ماحولیاتی تحفظ کے لیے بنیادی ضرورت ہے"۔

یہ بھی پڑھیں: موسمیاتی تبدیلیاں: مغربی یورپ کی تاریخ میں جون 2025 گرم ترین مہینہ ریکارڈ

مریم اورنگزیب کی شرکت

سینئر صوبائی وزیر مریم اورنگزیب نے وزیراعلیٰ پنجاب مریم نواز کی قیادت میں سموگ تدارک کے لیے کیے جانے والے جدید اور مؤثر اقدامات کی تفصیلات سے آگاہ کیا اور بتایا کہ گزشتہ سال کے مقابلے میں رواں سال سموگ کی شرح میں نمایاں کمی ریکارڈ کی گئی ہے۔ انہوں نے یو ایم ٹی کے پلیٹ فارم پر اس اہم سمٹ کے انعقاد پر انتظامیہ کو خراجِ تحسین پیش کیا۔

یہ بھی پڑھیں: پشاور میں گھریلو جھگڑے پر ملزم نے فائرنگ کر کے والد اور بیوی کو قتل کردیا

شرکاء کی تعداد اور تجاویز

سمٹ میں ماہرینِ ماحولیات، سرکاری افسران، طلباء و طالبات اور سول سوسائٹی کے نمائندوں نے کثیر تعداد میں شرکت کی اور کلین ایئر ایکشن پلان کو مزید بہتر بنانے کے لیے قیمتی تجاویز پیش کیں۔

آئندہ کے منصوبے

یو ایم ٹی انتظامیہ نے اعلان کیا کہ کلین ایئر سمٹ کو اب ہر سال منعقد کیا جائے گا تاکہ صاف ستھری ہوا کے حصول کے لیے مسلسل آگاہی اور عملی اقدامات کو فروغ دیا جا سکے۔