ستاروں کی روشنی میں آپ کا آئندہ ہفتہ کیسا گزرے گا ؟

برج حمل: سیارہ مریخ (21 مارچ سے 20 اپریل)

اس وقت مالی معاملات میں کافی مشکلات کا سامنا ہے۔ جس طرف سے امید لگا رکھی تھی وہ پوری نہیں ہو رہی۔ آپ کو اپنے معاملات کا از سر نو جائزہ لینا ہوگا کہ کس مقام پر غلطی ہوئی ہے جو سلسلہ آگے بڑھنے نہیں دے رہا اور استخارہ بھی کر سکتے ہیں۔ ان دنوں مخالفین بھی سر جوڑ کر بیٹھے ہوئے ہیں۔ وہ بھی سازش کررہے ہیں۔ آپ صدقہ دیں اور یاحی یا قیوم کا ورد بھی جاری رکھیں۔

یہ بھی پڑھیں: جیل میں نواز شریف کو ایسی چیز دی گئی جس سے ان کے پلیٹلیٹس خطرناک حد تک گر گئے، ناصر بٹ

برج ثور: سیارہ زہرہ (21 اپریل سے 20 مئی)

آپ جس کو ان دنوں بہت قریب کررہے ہیں دیکھیں، کہیں وہ آپ کا دشمن نہ نکل آئے، اس بات کا خیال رہے۔ ان دنوں سازشی افراد اپنی چالیں چلنے میں مصروف ہیں۔ آپ کے لئے خطرات بہت زیادہ ہیں۔ آپ نے چاروں قل پڑھ کر اپنا حصار بنا کر چلنا ہے۔ یاحی یا قیوم کا ورد بھی زبان پر رکھیں اور حسب توفیق صدقہ بھی لازمی دیں۔ چند دنوں بعد نمازِ مغرب کے بعد گھر سے باہر مت نکلا کریں۔

یہ بھی پڑھیں: وزیراعظم کے عمران خان کیخلاف ہرجانے کے کیس میں اہم درخواست پر فیصلہ محفوظ

برج جوزہ: سیارہ عطارد (21 مئی سے 20 جون)

جس بھی سلسلے میں آپ پریشان ہیں وہ معاملہ انشاءاللہ اب حل ہوگا۔ آپ کے لئے اب بحکم اللہ آسانیاں پیدا ہوں گی اور جو رکاوٹیں مخالفین نے کھڑی کی تھیں وہ دور ہو سکیں گی۔ اس وقت مالی معاملات میں بہتری کا امکان اور جو رقم کسی جگہ بلاک تھی، وہ بھی مل جائے گی، جو لوگ روزگار میں بہتری حاصل کرنے کے لئے تبدیلی چاہتے ہیں، اللہ کا نام لے کر قدم اٹھا سکتے ہیں۔

یہ بھی پڑھیں: پنجاب کے عوام نے ضمنی الیکشن کو مسترد کیا، زین قریشی

برج سرطان: سیارہ چاند (21 جون سے 20 جولائی)

آپ جس بھی مسئلے میں کافی دنوں سے پھنسے ہوئے تھے، انشاءاللہ اب اس سے نکلنے کا وقت قریب آ گیا ہے اور جو رکاوٹ دوسروں کی وجہ سے تھی وہ بھی اب ختم ہو رہی ہے۔ جو لوگ عرصہ دراز سے کسی امید پر بیٹھے ہوئے تھے ان کی امید بھی بر آئے گی۔ ملازمت پیشہ افراد کے لئے من پسند جگہ تبادلے کی خوشخبری بھی ہے اور جو لوگ بے روزگار تھے، ان کو روزگار کے مواقع ملیں گے۔

یہ بھی پڑھیں: تھرپارکر میں آر او پلانٹس کے فنڈز میں کروڑ وں کی خردبرد کا انکشاف، 2 ایگزیکٹو انجینئرز برطرف

برج اسد: سیارہ شمس (21 جولائی سے 21 اگست)

آپ کو کاروباری حوالے سے اب اچھی خبریں ملیں گی اور جس بھی طرف سے کوئی آفر آئے اس کو قبول کر سکتے ہیں۔ ان دنوں اولاد کے حوالے سے بڑے فیصلے لینے کی ضرورت ہے اور ان کی سرگرمیوں پر گہری نظر رکھیں۔ کسی جگہ کوئی گڑبڑ تو ہے جو حالات کی خرابی کی وجہ سے ہو سکتی ہے۔ اگر آپ نے معاملات کو ایسا ہی چھوڑ دیا تو پھر مزید معاملات میں خرابیاں پیدا ہونے کا بڑا خطرہ ہے۔

یہ بھی پڑھیں: اجلاس کی صدارت وزیراعلیٰ کے پی علی امین گنڈاپور نے کی، پی ٹی آئی اراکین اسمبلی، پارٹی عہدیداروں اور ورکرز کی شرکت

برج سنبلہ: سیارہ عطارد (22 اگست سے 22 ستمبر)

جو بات ممکن نہیں تھی وہ اب انشاءاللہ ممکن ہو سکے گی اور وہ کام بھی اب آسان ہوگا جو کل تک مشکل لگ رہا تھا اور جس طرف سے پیسوں کے آنے کی امید تھی، انشاءاللہ وہ بھی پوری ہو سکے گی۔ جو لوگ کافی دنوں سے بے روزگار تھے، اب ان کا مسئلہ بھی حل ہوگا اور مناسب جگہ سے روزگار کی خبر چل جائے گی۔ اس وقت کاروباری معاملات میں خاصی بہتر کی امید نظر آتی ہے۔

یہ بھی پڑھیں: ملک بھر میں شدید گرمی کی لہر لیکن بارش کہاں ہوگی؟ محکمہ موسمیات نے بتادیا

برج میزان: سیارہ زہرہ (23 ستمبر سے 22 اکتوبر)

بار بار صحت کے حوالے سے مشکل ہو جاتی ہے اور جس بھی کام میں ہاتھ ڈالتے ہیں، ناکامی ملتی ہے جیسے کسی نے بلاک کرکے رکھ دیا ہو۔ اس لئے آپ کو چاہیے کہ استخارے کی مدد لیں اور اپنا صدقہ دیں۔ معلوم کرنا ضروری ہے کہ روز روز کس وجہ سے ایسا ہو رہا ہے، آپ بھی چند دن خاموشی سے گزاریں اور بعد نمازِ مغرب گھر سے ضروری کام کے سوا مت نکلیں۔ نظر بھی روزانہ اتاریں۔

یہ بھی پڑھیں: کیا بھونے ہوئے چنے کھانے سے صحت بہتر ہوتی ہے یا نہیں؟ تازہ تحقیق میں جواب مل گیا

برج عقرب: سیارہ مریخ (23 اکتوبر سے 22 نومبر)

آپ انجانی سی بندش کا شکار معلوم ہوتے ہیں جس کی وجہ سے تقریباً ہر کام میں رکاوٹ محسوس ہو رہی ہے اور نقصانات کا الگ سامنا ہے۔ لگتا تو یہ ہے کہ ذاتی کسی غلطی کی وجہ سے ایسا ہو رہا ہے۔ اپنے تمام معاملات کا از سر نو جائزہ لیں، آپ کو اپنی غلطی دکھائی دے دے گی، پھر اس کی اصلاح کریں اور سچے دل سے توبہ بھی، انشاءاللہ آپ کے سارے مسئلے جلد حل ہو جائیں گے۔

یہ بھی پڑھیں: پاکستان سعودی دفاعی معاہدہ کسی تیسرے ملک کے خلاف نہیں، خطے میں امن و استحکام میں کردار ادا کرے گا، ترجمان دفتر خارجہ

برج قوس: سیارہ مشتری (23 نومبر سے 20 دسمبر)

ایک بار پھر گھریلو ماحول بھی کشیدہ دکھائی دے رہا ہے اور باہر سے بھی شدید مخالفت ہو رہی ہے۔ ان حالات میں صبر سے کام لینا ہے، کوئی جذباتی فیصلے نہیں کرنے اور ابھی خاموشی سے دن گزارنے کی ضرورت ہے۔ تین چار دن بعد صورتِ حال بدل جائے گی، مگر اتنا یاد رکھیں اپنوں میں اختلافات آپ کو برسوں تک ان سے الگ رکھنے پر مجبور کریں گے اور آپ اس وقت تک مکمل تنہا رہ جائیں گے۔

یہ بھی پڑھیں: برطانوی وزیراعظم کا گرومنگ گینگز کے معاملے کی قومی انکوائری کرانے کا اعلان

برج جدی: سیارہ زحل (21 دسمبر سے 19 جنوری)

یہ ہفتہ آپ کے لئے انشاءاللہ کافی معاملات میں بہتریاں لے کر آ رہا ہے۔ آپ بسم اللہ کرکے جس مقصد کے لئے بھی قدم اٹھائیں گے، اس میں کامیابی ملے گی اور جو لوگ بھی زندگی میں رکاوٹیں کھڑی کررہے تھے، وہ اب خودبخود بھاگ جائیں گے۔ ان دنوں آپ کی مالی پوزیشن بھی مضبوط ہوگی اور قرض وغیرہ کے حوالے سے بھی آپ کو بہتری مل سکے گی۔ چھوٹے سفر بھی پیش آسکتے ہیں۔

یہ بھی پڑھیں: کراچی میں آج صبح پھر زمین زلزلے کے جھٹکوں سے لرز اٹھی

برج دلو: سیارہ زحل (20 جنوری سے 18 فروری)

آپ ان دنوں جن جن مشکلات کا شکار ہیں انشاءاللہ بڑی تیزی سے اس سے نکلنے میں کامیاب ہوں گے۔ پورا ہفتہ آپ کے لئے آسانیاں پیدا ہوتی رہے گی اور جہاں کسی فیصلے کو کرنے میں مشکل نظر آ رہی تھی وہ اب بڑا ہی آسان ہو جائے گا۔ جو لوگ کاروباری معاملات کو لے کر پریشان تھے ان کو اب آسانیاں ملیں گی اور سابقہ نقصانات کا ازالہ بھی ممکن ہو سکے گا۔

برج حوت: سیارہ مشتری (19 فروری سے 20 مارچ)

بدنظری ہے اور واضح لگتا ہے کہ یہ بڑی شدید ہے۔ جو آپ کے تقریباً ہر کام میں رکاوٹ بنی ہوئی ہے۔ سورئہ قلم کی آخری دو آیات صبح و شام پڑھا کریں اور اپنی نظر اتاریں، صدقہ دیں اور ان دنوں آپ جن برے خیالات میں گھرے رہتے ہیں اس سے باہر آئیں۔ سب سے بہترین راستہ نماز ہے اور ساتھ یا کریم یا سلام یا نصیریا ولی کی ایک تسبیح ہر نماز کے بعد پڑھا کریں۔