بچہ مین ہول میں گرنے کا واقعہ، ٹاؤن چیئرمین جماعت اسلامی کا ہے، کچھ کہوں گا تو لوگ ناراض ہوں گے، میئر کراچی مرتضیٰ وہاب

میئر کراچی کا بیان

کراچی (ڈیلی پاکستان آن لائن) شہر قائد کے میئر مرتضیٰ وہاب نے بچے کے مین ہول میں گر کر جاں بحق ہونے کے معاملے پر کہا ہے کہ ٹاؤن چیئرمین جماعت اسلامی کا ہے، کچھ کہوں گا تو لوگ ناراض ہوں گے۔

یہ بھی پڑھیں: تعلیمی اداروں میں بچوں پر تشدد، محکمہ سکول ایجوکیشن نے اسکولز میں ڈنڈا رکھنے پر پابندی عائد کردی

سیاسی رنگ دینے کی کوشش

میڈیا سے گفتگو کرتے ہوئے کہا واقعے کو بدقسمتی سے سیاسی رنگ دینے کی کوشش کی گئی، حالانکہ ایسے موقع پر سیاست نہیں، مدد اور تعاون کی ضرورت ہوتی ہے۔ والدین کی تکلیف کو محسوس کرتے ہیں۔ متاثرہ خاندان کو ہر ممکن مدد فراہم کی جائے گی۔ گزشتہ رات کچھ حلقوں کی جانب سے اس معاملے پر سیاست کرنا انتہائی افسوسناک تھا۔

یہ بھی پڑھیں: قومی اسمبلی کا اجلاس منگل کو طلب، دینی مدارس سے متعلق بل پر غور کا امکان

مین ہول کی صورتحال

انہوں نے کہا کہ گزشتہ ایک سال میں 88 ہزار مین ہول کور لگائے گئے، 55 فیصد یوسی چیئرمینز کو ڈھکن فراہم کیے گئے ہیں اور اب اس بات کی انکوائری ہوگی کہ انتہائی مصروف مقام پر مین ہول کھلا کیوں تھا اور یہ کتنے دن سے کھلا ہوا تھا۔ کچھ عناصر اس افسوسناک واقعے کو اپنے سیاسی مقاصد کے لیے استعمال کرنا چاہتے ہیں حالانکہ واٹر کارپوریشن کو اس مقام کے بارے میں کوئی شکایت موصول نہیں ہوئی تھی۔ انہوں نے واضح کیا کہ وہ حکومت کا حصہ ہونے کے ناتے متاثرہ خاندان کے ساتھ کھڑے ہیں۔

یہ بھی پڑھیں: شراب اور اسلحہ برآمدگی کے کیس، عدالت نے علی امین گنڈاپور کی عدم پیشی پر کل اخبارات میں اشتہار دینے کا حکم دے دیا

ذمہ داری کا تعین

میئر کراچی کا کہنا تھا کہ اس علاقے کا ٹاؤن چیئرمین جماعت اسلامی سے تعلق رکھتا ہے اور اگر وہ ذمہ داری اس جماعت پر ڈالیں تو لوگ ناراض ہوں گے، تاہم شفاف تحقیقات ہی طے کرے گی کہ غفلت کہاں ہوئی اور کس نے ذمہ داری پوری نہیں کی۔

سوشل میڈیا پر رد عمل

اگر یہ بچہ آپ کا ہوتا تو؟نیند کیسے آجاتی ہے پیپلز پارٹی والوں کو،گٹر کا ڈھکن مرتضیٰ وہاب ،ماں کی چیخیں آپ کو سُنائی نہیں دے رہی؟اللہ کو جواب نہیں دینا
صحافی جذباتی ہوگیا میئر کراچی غصے میں آگئے#PublicNews #PublicUpdates #Karachi pic.twitter.com/rw6XCbELpr

— Public News (@PublicNews_Com) December 1, 2025