چوہنگ پولیس نے شہری کے راستے میں گر جانے والے 20 لاکھ روپے ڈھونڈ کر واپس کر دیئے

چوہنگ پولیس کی کارکردگی

لاہور(ڈیلی پاکستان آن لائن) چوہنگ پولیس نے شہری کے 20 لاکھ روپے برآمد کرکے ملزمان کو گرفتار کرلیا۔

یہ بھی پڑھیں: اگر اگلی بار پاکستان اور بھارت میں جنگ ہوئی تو ڈونلڈ ٹرمپ کے پاس مداخلت کرکے رکوانے کا وقت نہیں ہوگا، بلاول بھٹو

واقعہ کی تفصیلات

پولیس کے مطابق شہری ریحان 20 لاکھ روپے بینک سے نکلوا کر موٹرسائیکل پر گھر جا رہا تھا کہ روڈ پر شاپر پھٹنے سے رقم گر گئی۔

یہ بھی پڑھیں: ہمایوں سعید کو رومانوی کے بجائے منفی کرداروں کی طرف جانا چاہئے، ماہرہ خان

پولیس کی کارروائی

ایس پی صدر رانا حسین طاہر نے ایس ایچ او چوہنگ انسپکٹر محمد رضا کی سربراہی میں ٹیم تشکیل دی، جس نے سیف سٹی کیمروں اور دیگر وسائل کا استعمال کرتے ہوئے مشکوک موٹرسائیکل سواروں کی نشاندہی کی۔

یہ بھی پڑھیں: لندن روڈ: یورپی سیاحوں کے لیے پاکستان کا دروازہ جو اب ’ڈنکی روٹ‘ بن چکی ہے

برآمد رقم

مشکوک موٹرسائیکل سوار مرد و خاتون سے تفتیش کی گئی جن کے قبضے سے 10 لاکھ روپے برآمد ہوئے۔ بعد ازاں مزید تفتیش سے ایک اور موٹرسائیکل سوار کی نشاندہی کی گئی، جس کے قبضے سے بھی باقی ماندہ رقم 10 لاکھ روپے برآمد کرلی گئی۔

یہ بھی پڑھیں: نیتن یاہو کو پیغام دیاہے کہ انہیں بہت احتیاط کرنی ہوگی، قطر امریکہ کا اتحادی ہے : ڈونلڈ ٹرمپ

ایس پی کی تعریف

ایس پی صدر رانا حسین طاہر کا کہنا ہے کہ مدعی مقدمہ کو 20 لاکھ روپے حوالے کردیے گئے ہیں۔ انہوں نے خصوصی ٹیم اور ایس ایچ او چوہنگ محمد رضا کو شاباش دی اور نقد انعام و تعریفی اسناد کا اعلان بھی کیا۔

مدعی مقدمہ کا شکریہ

مدعی مقدمہ نے رقم برآمد کرنے پر ایس ایچ او چوہنگ انسپکٹر محمد رضا و پولیس کا شکریہ ادا کیا۔