اسلام آباد ہائی کورٹ نے سائلین کے لیے آن لائن شکایتی نظام متعارف کرادیا

اسلام آباد ہائی کورٹ کا نیا آن لائن سسٹم

اسلام آباد(ڈیلی پاکستان آن لائن) اسلام آباد ہائی کورٹ نے سائلین کی شکایات کے بروقت ازالے کیلئے نیا آن لائن سسٹم متعارف کرا دیا۔

یہ بھی پڑھیں: بھارت سے وفاداری کسی کام نہ آئی، پاکستان کے خلاف زہر اگلنے والے دانش کنیریا کی تصویر انڈین سٹیڈیم سے ہٹا دی گئی۔

شکایات کا اندراج

نجی ٹی وی چینل دنیا نیوز کے مطابق رجسٹرار اسلام آباد ہائی کورٹ کے مطابق سائلین کی شکایات کیلئے باضابطہ اعلامیہ بھی جاری کر دیا گیا ہے۔

یہ بھی پڑھیں: معذور بچوں کے لیے برسوں پہلے بنائے گئے ادارے کا نام، اپنی تصویر لگانے کے لیے ذہنی طور پر کتنا پست ہونا پڑتا ہے؟

رابطے کے ذرائع

رجسٹرار کے مطابق سائلین اپنی شکایات ای میل اور واٹس ایپ کے ذریعے بھی بھجوا سکتے ہیں، شکایات جمع کروانے کے لیے ای میل ایڈریس [email protected] جبکہ واٹس ایپ نمبر 6552827-0313 جاری کیا گیا ہے۔

انصاف کی فراہمی میں بہتری

انہوں نے مزید بتایا ہے کہ یہ اقدامات انصاف کی فوری فراہمی کے عمل میں درپیش مسائل کے خاتمے کے لیے اٹھائے گئے ہیں جبکہ شہریوں کی مزید سہولت اور آگاہی کے لیے ای میل ایڈریس اور واٹس ایپ نمبر مختلف مقامات پر نمایاں طور پر آویزاں کیے جائیں گے۔