وزیراعلیٰ مریم نواز شریف کا ٹریفک قوانین کی خلاف ورزی پر بچوں کو ہتھکڑیاں لگانے پر سخت برہمی کا اظہار

ٹریفک قوانین کی خلاف ورزی

لاہور (ڈیلی پاکستان آن لائن) وزیراعلیٰ پنجاب مریم نواز شریف نے ٹریفک قوانین کی خلاف ورزی پر بچوں کو ہتھکڑیاں لگانے پر سخت برہمی کا اظہار کرتے ہوئے کم عمر طلبہ کو گرفتار کرنے سے روک دیا ہے۔

یہ بھی پڑھیں: پیدائش اور موت کی رجسٹریشن کے نئے قوانین نافذ ،نوٹیفکیشن جاری، تفصیلات سامنے آگئیں

والدین کا کردار

وزیراعلیٰ مریم نواز کا کہنا ہے کہ کم عمر طلبہ یا بچوں سے زیادہ والدین کو ٹریفک قوانین سے متعلق بھرپور کردار ادا کرنا چاہیے۔ ٹریفک قوانین عوام کی جان کی حفاظت کے لئے بنائے جاتے ہیں۔ عوام کو اپنی حفاظت کے لئے عادتوں کو بدلنا ہوگا۔

یہ بھی پڑھیں: محکمہ ریلوے کا 11 ٹرینیں نجی شعبے کے حوالے کرنے کا فیصلہ

قانون کی پاسداری کی ضرورت

ٹریفک قوانین پر عملدرآمد یقینی بنانے کے لئے ہر شہری اپنا کردار ادا کرے۔ معصوم بچوں کو نہیں پکڑنا چاہتے مگر قانون کی پاسداری ضروری ہے۔ بچوں کا قصور نہیں، ہم نے انہیں ہیلمٹ پہننے کی عادت ہی نہیں ڈالی۔ والدین بچوں کو روڈ سیفٹی کے لئے ہیلمٹ کی اہمیت اور ضرورت سے آگاہ کریں۔

یہ بھی پڑھیں: وانا کیڈٹ کالج میں کتنے دہشتگرد موجود ہیں۔؟ سیکیورٹی فورسز کا کلیئرنس آپریشن جاری

پولیس کی ذمہ داری

ٹریفک پولیس عوام کی عزت نفس کا خصوصی خیال رکھے، بداخلاقی اور بدتمیزی نہ کی جائے۔

نئے فیصلے

اجلاس میں 16سال کے بچوں کو سمارٹ کارڈ اور موٹرسائیکل ڈرائیونگ لائسنس کے اجراء کا اصولی فیصلہ کیا گیا ہے۔