عمران خان وزیراعلیٰ سہیل آفریدی سے مکمل خوش ہیں، محمود خان اچکزئی کو تحریک کا قائد اور احکامات پر عملدرآمد یقینی بنانے کاکہاہے، بہن عظمیٰ خان

عمران خان کا پیغام

راولپنڈی (ڈیلی پاکستان آن لائن) بانی پی ٹی آئی کی ہمشیرہ ڈاکٹر عظمیٰ خان کا کہنا ہے کہ عمران خان نے قوم کو پیغام دیا کہ جب تک آپ غلامی کے مائنڈ سیٹ میں رہیں گے، چینی مافیا، لینڈمافیا، ایکسٹیشن مافیا، اور مینڈیٹ چور آپ کو غلام بنا کر رکھیں گے۔ اگر آپ آزادی چاہتے ہیں تو لڑنا پڑے گا۔

یہ بھی پڑھیں: تیسرے ٹی ٹوئنٹی میچ میں کانٹے دار مقابلے کے بعد زمبابوے نے پاکستان کو شکست دے دی

پارٹی کے معاملات پر گفتگو

میڈیا سے گفتگو کرتے ہوئے ڈاکٹر عظمیٰ خان نے بتایا کہ عمران خان نے کہا ہے کہ تحریک کے قائد محمود خان اچکزئی ہیں اور جو بھی فیصلہ کریں گے، تحریک انصاف مکمل عملدرآمد کرے گی۔ خاص طور پر پارلیمنٹیرینز کے احکامات پر عملدرآمد یقینی بنایا جائے۔ عمران خان وزیراعلیٰ خیبرپختونخوا سہیل آفریدی سے مکمل خوش ہیں اور ان کے کردار کو بھرپور سراہا ہے۔ انہوں نے کہا کہ سہیل آفریدی فرنٹ فٹ پر کھیلیں، اور کچھ مزید پیغامات دیے ہیں جو وہ الگ سے پہنچائیں گی۔

پارٹی رہنماؤں کی نقل و حرکت پر تشویش

ڈاکٹر عظمیٰ خان نے مزید بتایا کہ عمران خان این ڈی یو جانے والے پارٹی رہنماؤں پر شدید برہم ہیں، اور بولے کہ جو لوگ ہم پر ظلم کر رہے ہیں، ان کے پاس جانا ناقابل برداشت ہے۔ یہ لوگ پارٹی کے میر جعفر اور میر صادق ہیں، وکٹ کے دونوں جانب کھیلنے والوں کے لیے پارٹی میں کوئی جگہ نہیں۔