موسم کے حوالے سے اہم پیشگوئی سامنے آ گئی

اسلام آباد(ڈیلی پاکستان آن لائن)محکمہ موسمیات نے ملک کے بیشتر علاقوں میں موسم سرد اور خشک رہنے کی پیشگوئی کی ہے۔

پہاڑی علاقوں کی صورتحال

نجی ٹی وی چینل ہم نیوز کے مطابق پہاڑی علاقوں میں صبح اور رات کے اوقات میں موسم شدید سرد رہنے کا امکان ہے۔

میدانی علاقوں میں سموگ

پنجاب اور خیبر پختونخوا کے میدانی علاقوں میں سموگ اور درمیانی دھند پڑنے کی توقع ہے۔

کہرے کی پیشگوئی

اسلام آباد، خطہ پوٹھوہار، کشمیر اور خیبرپختونخوا کے میدانی علاقوں میں صبح کے اوقات میں چند مقامات پر کہرا پڑنے کا امکان ہے۔

پچھلے چوبیس گھنٹے کا موسم

گزشتہ چوبیس گھنٹوں کے دوران ملک کے بیشتر علاقوں میں موسم سرد اور خشک رہا جبکہ پہاڑی علاقوں میں شدید سردی رہی۔ تاہم پنجاب اور خیبر پختونخوا کے چند میدانی اضلاع میں دھند چھائی رہی۔

درجات حرارت کی رپورٹ

کم سے کم درجہ حرارت سکردو کا منفی 08 ڈگری سینٹی گریڈ ریکارڈ کیا گیا، جبکہ لہہ، زیارت، قلات میں منفی 07 ڈگری سینٹی گریڈ، کوئٹہ اور گلگت میں منفی 05 ڈگری سینٹی گریڈ ریکارڈ کیا گیا۔