حالات غیر معمولی، اللہ کی رضا اور عوام کے مفاد کے لیے لڑیں گے تو جیت ہماری ہوگی: سہیل آفریدی

وزیر اعلیٰ خیبر پختونخوا کا عزم

پشاور (ڈیلی پاکستان آن لائن) وزیر اعلیٰ خیبر پختونخوا سہیل آفریدی نے کہا ہے کہ ایمان، حوصلے اور عزم سے دہشتگردی کو شکست دیکر صوبے میں ہر حال میں امن بحال کریں گے۔ موجودہ حالات غیر معمولی ہیں، اللہ تعالیٰ کی رضا اور عوام کے مفاد کیلئے لڑیں گے تو جیت ہماری ہوگی۔

یہ بھی پڑھیں: جنوبی وزیرستان میں 1 روز کیلئے کرفیو نافذ

پولیس فورس کی قربانیاں

پولیس فورس اور سول افسران کے مشترکہ دربار سے خطاب کرتے ہوئے وزیراعلیٰ کے پی سہیل آفریدی کا کہنا تھا کہ موجودہ حالات غیر معمولی ہیں، خیبرپختونخوا 4 دہائیوں سے دہشتگردی کی زد میں ہے۔ پولیس نے کم وسائل کے باوجود 21 سال دہشتگردی کا ڈٹ کر مقابلہ کیا، دہشتگردی کے خلاف قربانیوں پر پوری قوم کو فخر ہے۔ جس جوانمردی سے پولیس دہشتگردوں کا مقابلہ کر رہی ہے وہ قابل تحسین ہے، اللہ تعالیٰ کی رضا اور عوام کے مفاد کیلئے لڑیں گے تو جیت ہماری ہوگی۔

یہ بھی پڑھیں: شہباز شریف پاکستانی وفد کے ہمراہ امریکی صدر سے ملاقات کیلئے واشنگٹن ڈی سی پہنچ گئے

سیکیورٹی میں بہتری کی یقینی دہانی

’’جیو نیوز‘‘ کے مطابق سہیل آفریدی کا کہنا تھا کہ خیبر پختونخوا میں ہر حال میں امن بحال کریں گے، پولیس کیلئے بلٹ پروف گاڑیاں، جدید اسلحہ اور اینٹی ڈرون سسٹم فراہم کیا جا رہا ہے۔ پولیس کو ہنگامی بنیادوں پر جدید ترین ٹیکنالوجی سے آراستہ کیا جا رہا ہے، وسائل کی کمی کو سیکیورٹی کے راستے میں رکاوٹ نہیں بننے دیں گے۔ ایمان، حوصلے اور عزم سے دہشت گردی کو شکست دیں گے۔ افسران کے معاملات میں کوئی سیاسی مداخلت نہیں ہو گی مگر رزلٹ دینا ہو گا، کرپشن کے خلاف زیرو ٹالرنس ہے، کسی کو کوئی رعایت نہیں ہو گی، سرکاری افسران کی کارکردگی پرفارمنس انڈیکیٹرز سے ناپی جائے گی۔

عوام کے مفادات کا تحفظ

وزیر اعلیٰ کے پی کا کہنا تھا کہ جن لوگوں کا کام انصاف دینا ہوتا ہے وہ نہیں دے پاتے جس سے چیزیں خراب ہوتی ہیں۔ ہم نے بانی پی ٹی آئی کے وژن کے مطابق عوام کو ریلیف دینا ہے۔ ہم نے عوام کیلئے ہی فیصلہ سازی کرنی ہے۔